سرینگر/۳مارچ
جموں کشمیر کی حکومت نے پیر کے روز اعلان کیا کہ کھیلو انڈیا سرمائی کھیل 2025 کے دوسرے مرحلے کی میزبانی 9 سے 12 مارچ تک کی جائے گی۔
ایک عہدیدار نے بتایا”تازہ برفباری کے ساتھ، جموں و کشمیر انتظامیہ اور جموں و کشمیر اسپورٹس کونسل 9 سے 12 مارچ تک گلمرگ میں کے آئی ڈبلیو جی 2025 کے دوسرے مرحلے کی میزبانی کرنے کےلئے پوری طرح تیار ہیں، جس سے ہندوستان کے اہم برفانی مقامات میں سے ایک میں عالمی معیار کے موسم سرما کے تجربے کو یقینی بنایا جا سکے۔
عہدیدار نے مزید کہا”موسم سرما کے کھیلوں کا اعلی درجے کا تجربہ فراہم کرنے کےلئے تمام انتظامات کو حتمی شکل دے دی گئی ہے، جس سے گلمرگ کھیلوں کےلئے بہترین مقام بن جائے گا“۔
اس ایونٹ میں ملک بھر کے ٹاپ ایتھلیٹس شرکت کریں گے، جس میں مختلف اسنو اسپورٹس کے مقابلے شامل ہوں گے۔
حکام نے یقین دلایا ہے کہ کھیلوں کے ہموار انعقاد کےلئے تمام ضروری بنیادی ڈھانچے اور لاجسٹک سپورٹ موجود ہیں ، جس سے کھیلوں کے شوقین افراد کے لئے ایک دلچسپ منظر کا وعدہ کیا گیا ہے۔
قبل ازیں برفباری نہ ہونے کی وجہ سے انتظامیہ نے 22 سے 25 فروری تک شیڈول کھیلو انڈیا سرمائی کھیلوں کو ملتوی کردیا تھا۔
