اگر بھاگوت کا بیان کسی دوسرے ملک میں ہوتا تو گرفتار ہوجاتے : کانگریس

نئی دہلی// کانگریس نے آج پھر آر ایس ایس سربراہ موہن بھاگوت کے بیان پر شدید ردعمل ظاہر کرتے ہوئے کہا کہ اگر کوئی لیڈر کسی دوسرے ملک میں ایسا بیان دیتا تو انہیں اب تک گرفتار کر لیا جاتا، لیکن یہاں ایک طریقے سے حکومت آر ایس ایس کی ہے ، اس لیے بھگوت کے خلاف کوئی کارروائی نہیں کی جا رہی ہے ۔
چھتیس گڑھ کے سابق وزیر اعلیٰ اور کانگریس کے سینئر لیڈر بھوپیش بگھیل نے جمعرات کو یہاں پارٹی ہیڈکوارٹر میں ایک پریس کانفرنس میں کہا کہ اس تنظیم کی سرگرمیاں ملک مخالف رہی ہیں اور یہی وجہ ہے کہ اس نے 52 سال سے اپنے ہیڈکوارٹر پر ترنگا نہیں لہرایا اور اس سے پتہ چلتا ہے کہ اس تنظیم اور اس کے قائدین میں کتنی حب الوطنی ہے ۔
مسٹر بگھیل نے کانگریس لیڈر راہل گاندھی کے آر ایس ایس سربراہ موہن بھاگوت کے بیان کو درست قرار دیتے ہوئے کہا کہ اگر ایسا کسی اور ملک میں ہوتا تو مقدمہ درج ہوتا اور موہن بھاگوت کو گرفتار کرلیا جاتا۔ راہل جی کا وژن جمہوری، جامع اور منصفانہ ہے ۔ کانگریس ان بنیادی اصولوں پر آگے بڑھ رہی ہے اور مسٹر گاندھی اور کانگریس کارکنان اس راہ میں رکاوٹیں پیدا کرنے والوں کے خلاف لڑتے رہیں گے ۔ مرکز کے ساتھ ساتھ کئی ریاستوں میں بی جے پی کی حکومت ہے ، لیکن حقیقت میں یہ آر ایس ایس کی حکومت ہے ۔
انہوں نے کہاکہ [؟]موہن بھاگوت اور ان کی تنظیم کے لوگ وقتاً فوقتاً آئین کے بارے میں بیانات دیتے رہے ہیں۔ بی جے پی ممبران پارلیمنٹ نے یہ بھی کہا تھا کہ وہ آئین کو تبدیل کریں گے جس سے صاف ظاہر ہوتا ہے کہ وہ آئین پر یقین نہیں رکھتے ۔ سب جانتے ہیں کہ آر ایس ایس کو ترنگا قبول کرنے میں 52 سال لگے ۔ اس کی تاریخ سب کو معلوم ہے ۔ جب لاکھوں ہندوستانی آزادی کی جنگ لڑ رہے تھے ، وہ انگریزوں کے ساتھ شراکت دار کے طور پر کام کر رہے تھے ۔ یہ وہ لوگ ہیں جو ہٹلر اور مسولینی کو مانتے ہیں اور ان کے راستے پر چلتے ہیں۔ آر ایس ایس بی جے پی والے کانگریس والوں کو حب الوطنی کا سبق نہ سکھائیں۔ ہمیں یہ مت سکھائیں حب الوطنی کیا ہے ”
مسٹر بگھیل نے کہاکہ ”پورے ملک نے دیکھا ہے کہ آر ایس ایس نے جدوجہد آزادی میں کیا کردار ادا کیا اور آر ایس ایس کس کے ساتھ تھی۔ بی جے پی حکومت اداروں پر قبضہ کرکے سماجی ڈھانچہ اور معاشی بنیاد کو کمزور کرنے کا کام کر رہی ہے ۔ آئین میں انصاف، مساوات اور جمہوریت کے تحفظ کی بات ہے ، لیکن آر ایس ایس ان خیالات پر یقین نہیں رکھتی۔ بی جے پی بھی یہی کر رہی ہے ۔ جو ادارے انصاف، مساوات اور جمہوریت کے تحفظ کے ذمہ دار ہیں، بی جے پی انہیں اپنی شرائ