ملک میں 24 گھنٹوں کے دوران کورونا کے 4103 نئے معاملے

نئی دہلی// عالمی وباکورونا وائرس نے ایک بار پھر خوفزدہ کرنا شروع کر دیا ہے۔ گزشتہ 24 گھنٹوں کے دوران انفیکشن کے 4103 ایکٹو کا اضافہ ہوا اور اس کے ساتھ ہی ملک میں کورونا کے مریضوں کی تعداد 40 ہزار سے تجاوز کر گئی۔
صحت اور خاندانی بہبود کی مرکزی وزارت نے ہفتہ کو یہاں بتایا کہ آج صبح 7 بجے تک 194 کروڑ 92 لاکھ 71 ہزار 111 ویکسین دی گئی ہیں۔ وزارت نے کہا کہ گزشتہ 24 گھنٹوں میں کووڈ انفیکشن کے 8329 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد (ملک کے مختلف اسپتالوں میں زیر علاج مریضوں کی تعداد) 40 ہزار 370 ہو گئی ہے۔
یہ متاثرہ کیسز کا 0.09 فیصد ہے۔ یومیہ انفیکشن کی شرح 2.41 فیصد تک پہنچ گئی ہے۔
وزارت نے کہا کہ اسی مدت میں 4216 لوگوں کو کووڈ سے نجات بھی ملی ہے۔ اب تک کووڈ سے کل 4 کروڑ 26 لاکھ 48 ہزار 308 مریض صحت یاب ہو چکے ہیں۔ری کوری کی شرح 98.69 فیصد ہے۔
ملک میں گزشتہ 24 گھنٹوں میں تین لاکھ 44 ہزار 994 کووڈ ٹیسٹ کیے گئے ہیں۔ ملک میں کل 85 کروڑ 45 لاکھ 43 ہزار 282 کووڈ ٹیسٹ کیے گئے ہیں۔ ملک میں اس مہلک وائرس سے اب تک 523757 افراد اپنی جانیں گنوا چکے ہیں۔