شاہ نے نکسلیوں کے حملے میں فوجیوں کی ہلاکت پر دکھ کا اظہار کیا

نئی دہلی//) مرکزی وزیر داخلہ امت شاہ نے چھتیس گڑھ کے بیجاپور میں نکسلیوں کے ذریعہ کئے گئے دھماکہ میں ڈسٹرکٹ ریزرو گارڈ کے جوانوں کی موت پر غم کا اظہار کیا ہے ۔
مسٹر شاہ نے سوشل میڈیا پلیٹ فارم پر ایک پوسٹ میں کہا میں بہادر فوجیوں کے اہل خانہ کے تئیں اپنی گہری تعزیت کا اظہار کرتا ہوں۔ اس دکھ کو الفاظ میں بیان کرنا ناممکن ہے لیکن میں یقین دلاتا ہوں کہ ہمارے فوجیوں کی قربانی رائیگاں نہیں جائے گی۔ ہم مارچ 2026 تک ہندوستانی سرزمین سے نکسل ازم کا خاتمہ کر دیں گے ۔
قابل ذکر ہے کہ بیجاپور ضلع کے کٹرو سے بیدرے جانے والی سڑک پر سیکورٹی فورسز کی گاڑی کو نشانہ بناتے ہوئے ایک دھماکے میں نو فوجی ہلاک ہوگئے تھے ۔