میرا بھیندر کی خواتین کو نیتی آیوگ سے تعاون ملے گا

نئی دہلی// نیتی آیوگ نے [؟][؟]ملک کی تجارتی راجدھانی ممبئی کے مضافات میں ‘میرا بھئیندر میونسپل کارپوریشن’ کے ساتھ ساجھیداری کی ہے تاکہ خواتین کاروباریوں کو روایتی اسنیکس بنانے کے لیے ضروری سامان، مہارت اور مواقع فراہم کر کے انہیں بااختیار بنایا جا سکے ۔
نیتی آیوگ نے آج یہاں کہا کہ خواتین انٹرپرینیورشپ فورم نے میرا بھیندر میونسپل کارپوریشن میں ‘فرال سخی’ اقدام کے تحت میرا بھیندر شہر کی خواتین کاروباریوں کو بااختیار بنانے کے مقصد سے ایک پروگرام تیار کیا ہے ۔ یہ پروگرام روایتی اسنیکس کی تیاری میں شامل خواتین کاروباریوں کو جامع تربیت اور مدد فراہم کرے گا تاکہ انہیں پائیدار اور مؤثر طریقے سے مدد ملے ۔
میرا بھیندر سے 25 خواتین کو بزنس آپریشنز میں تکنیکی تربیت کے لیے منتخب کیا جائے گا۔ سینٹر فار ایجوکیشن، ایڈمنسٹریشن اور پبلک پالیسی ان خواتین کو پائیدار کاروبار قائم کرنے اور انہیں ضروری ہنر اور علم سے آراستہ کرنے کی تربیت دے گا۔ نیتی آیوگ کی پرنسپل اقتصادی مشیر انا رائے نے کہا کہ خواتین کی زیر قیادت گھریلو صنعتوں کی ترقی کو فروغ دیا جا رہا ہے ۔ یہ اقدام نہ صرف کاروبار پیدا کرنے کے لیے ہے بلکہ سماجی تبدیلی کی تحریک بھی ہے ۔
‘فرال سخی’ اقدام کا مقصد روایتی تہوار کے ناشتے (‘فرال’) کی تیاری اور فروخت میں خواتین کو شامل کرکے ان کے لیے روزگار کے پائیدار مواقع پیدا کرنا ہے ۔ دیوالی کے موسم میں تین ٹن سے زیادہ اسنیکس اپنے اعلیٰ معیار اور ذائقے کی وجہ سے فروخت ہوئے ۔