خصوصی درجہ کی بحالی پر قرار داد‘وادی بھر میں جشن کا ماحول ، پٹاخے سر کئے گئے

سرینگر//
جموںکشمیر نیشنل کانفرنس کی جانب سے اسمبلی میں دفعہ ۳۷۰کی بحالی کو لے کر قرارداد پاس کرنے کی خبر پھیلتے ہی جموںکشمیر میں لوگوں نے سڑکوں پر آکر خوشی کا اظہار کیا جبکہ پٹاخے بھی سر کئے گئے ۔
سری نگر ، جموں ، خط پیر پنچال سمیت کئی علاقوں میں نیشنل کانفرنس کے کارکنوں نے سڑکوں پر آکر خوشی کا اظہار کیا۔
یو این آئی اردو کے نامہ نگار نے بتایا کہ دفعہ۳۷۰کی بحالی کے حوالے سے اسمبلی میں قرارداد پاس کرنے کے ساتھ ہی جموں وکشمیر میں پٹاخے سر کئے گئے ۔
اس موقع پر لوگوں کا کہنا تھا کہ آج جموںکشمیر کی تاریخ میں ایک ہم دن ہے کیونکہ اسمبلی میں دو تہائی اکثریت سے قرار داد کو پاس کیا گیا جو اس بات کا غماز ہے کہ یہاں کے لوگوں نے مرکز کے یک طرفہ فیصلے کو قبول نہیں کیا۔
نامہ نگار نے کہاکہ جموںکشمیر کے لوگوں سے پوچھے بغیر بی جے پی نے اس قانون کو منسوخ کیا اور آج اسمبلی میں اس قانون کی بحالی کو لے کر جو قرار داد پاس کی گئی وہ بی جے پی کے لئے چشم کشاں ہے ۔
نامہ نگار نے بتایا کہ شمالی ، جنوبی اور وسطی کشمیر کے کئی علاقوں میں نیشنل کانفرنس کے کارکنوں نے بانگڑا کیا اور پٹاخے سر کئے ۔
جموں میں نیشنل کانفرنس کے دفتر پر بھی این سی کارکنوں نے مٹھائیاں تقسیم کیں۔