دہلی کے دیہاتوں میں ترقی کی رفتار بڑھے گی: گوپال رائے

نئی دہلی// دہلی کے دیہاتوں میں ترقی کو مزید تیز کرنے کے لیے عام آدمی پارٹی (آپ) حکومت نے آج 93 کروڑ روپے کے 100 پروجیکٹوں کو منظوری دی۔
دہلی کے وزیر برائے ترقیات گوپال رائے کی صدارت میں آج یہاں دیہی ترقیاتی بورڈ کی میٹنگ میں بورڈ نے 100 اسکیموں کو منظوری دی۔ اس کے تحت سڑکوں، نالوں، واٹر باڈیز، کمیونٹی سینٹرز، پارکس، شمشان گھاٹ، کھیلوں کے میدان وغیرہ سے متعلق ترقیاتی کام کئے جائیں گے ۔ دہلی کے دیہی علاقوں میں 93 کروڑ روپے کی لاگت سے ترقیاتی کام کئے جائیں گے ۔ اجلاس کے دوران تمام افسران کو دیہی ترقیاتی منصوبوں کو مقررہ مدت کے اندر مکمل کرنے کی ہدایت دی گئی ہے ۔
وزیر ترقیات نے کہا کہ حکومت شہری علاقوں میں رہنے والے دہلی کے لوگوں کے ساتھ ساتھ دیہی علاقوں میں رہنے والے لوگوں کو بنیادی سہولیات فراہم کرنے کے لیے پابند عہد ہے ۔ بورڈ نے بڑے دیہات میں بیٹھنے کے لیے 100 بینچ لگانے کی منظوری دے دی ہے ۔ چھوٹے دیہاتوں میں 20 بینچ لگائے جائیں گے ۔ محکمہ ترقیات سے متعلق یہ ترقیاتی کام آبپاشی اور فلڈ کنٹرول ڈیپارٹمنٹ اور دہلی میونسپل کارپوریشن (ایم سی ڈی ) کے ذریعے کئے جا رہے ہیں۔