وزیر اعظم لاؤ رامائن کی کارکردگی کا مشاہدہ کر رہے ہیں

نئی دہلی، لاو پی ڈی آر// وزیر اعظم نریندر مودی نے اپنے لاوس کے دورے کے دوران لاؤ رامائن کی ایک قسط کا مشاہدہ کیا ، جسے فلک فلم یا فرا لک فرا رام کہا جاتا ہے – جو لوانگ پرابنگ کے مشہور رائل تھیئٹر کے ذریعہ پیش کیا گیا تھا۔ لاؤس میں رامائن کی پیش کش کا سلسلہ جاری ہے اور یہ عظیم منظوم تخلیق دونوں ممالک کے درمیان مشترکہ وراثت اور قدیم تہذیب کے تعلق کی عکاسی کرتا ہے ۔ ہندوستانی ثقافت اور روایت کے کئی پہلوؤں کو لاؤس میں صدیوں سے رائج رکھا گیا ہے ساتھ ہی یہاں اس کو محفوظ بھی کیا گیا ہے ۔ دونوں ممالک اپنی مشترکہ وراثت کو روشن کرنے کے لیے مل کر کام کر رہے ہیں۔ آرکیالوجیکل سروے آف انڈیا لاؤس میں وات فو مندر اور متعلقہ یادگاروں کی بحالی میں شامل ہو کر اہم کردار ادا کر رہا ہے ۔ اس موقع پر وزیر داخلہ، وزیر تعلیم اور کھیل کود ، بینک آف لاؤ پی ڈی آر کے گورنر اور وینٹیانے کے میئرسمیت کئی معززین موجود تھے ۔
رامائن کی پیش کش سے قبل وزیر اعظم نے لاؤ پی ڈی آر کی سینٹرل بدھسٹ فیلوشپ آرگنائزیشن کے سینئر بدھ بھکشوؤں کی ایک دعائیہ تقریب میں شرکت کی، جس کی قیادت وینٹیانے میں سی ساکیت مندر کے قابل احترام مہاویتھ ماسینائی کر رہے تھے ۔
اس موقع پر مہاویتھ ماسینائی نے کہا کہ مشترکہ بدھ مت کی وراثت ہندوستان اور لاؤس کے درمیان قریبی تہذیبی اور ثقافتی رشتے کی حقیقی نمائندگی کرتا ہے ۔