شان، شفیق کی سنچریاں، آخری سیشن میں انگلینڈ کی واپسی

ملتان// شان مسعود (151) اور عبداللہ شفیق (102) کی شاندار اننگز کی بدولت پاکستان نے پیر کو شروع ہونے والے ٹیسٹ میچ کے پہلے دن کھیل کے اختتام پر چار وکٹوں پر 328 رنز بنا لیے ہیں۔ اگرچہ آخری سیشن میں انگلینڈ نے تین وکٹوں کے نقصان کے بعد میچ میں واپسی کی۔
ایک وقت میں پاکستان چائے کے وقت تک ایک وکٹ پر 233 رنز بنا کر بڑے اسکور کی طرف بڑھ رہا تھا، آخری سیشن میں انگلینڈ نے شاندار کم بیک کیا اور میچ میں پاکستان کی تین وکٹیں لے لیں۔ 60ویں اوور میں گس اٹکنسن نے عبداللہ شفیق (102) کو آؤٹ کر کے دوسری وکٹ کے لیے 253 رنز کی شراکت کو توڑا۔ 64ویں اوور میں جیک لیچ نے شان مسعود (151) کو اپنی ہی گیند پر کیچ آؤٹ کرکے پویلین بھیجا۔ بحیثیت کپتان شان مسعود نے اپنے ٹیسٹ کیریئر کی پہلی سنچری اسکور کی ہے۔ یہ ان کی بطور کھلاڑی 5ویں ٹیسٹ سنچری ہے۔ دوسری جانب عبداللہ شفیق نے اپنی سنچری (102 رنز) کے لیے 184 گیندوں کا سامنا کیا۔ اس کے بعد بابر اعظم (30) کو ووکس نے ایل بی ڈبلیو کیا۔
پاکستان نے انگلینڈ کے خلاف تین ٹیسٹ میچوں کی سیریز کے پہلے میچ میں آج ٹاس جیت کر پہلے بیٹنگ کا فیصلہ کیا ہے۔ بیٹنگ کے لیے آنے والے پاکستان کا آغاز اچھا نہ تھا اور پانچویں اوور میں گس ایٹکنسن نے سیم ایوب (چار) کو وکٹ کیپر اسمتھ کے ہاتھوں کیچ کروا کر انگلینڈ کو پہلی کامیابی دلائی۔
کھیل کے اختتام پر سعود شکیل (35 ناٹ آؤٹ) اور نسیم شاہ صفر پر ناٹ آؤٹ رہے۔
انگلینڈ کے گیند بازوں نے میچ کے آخری سیشن میں مزید تین وکٹیں لے کر پاکستان کو بڑا سکور کرنے سے روکنے کی کوشش کی۔ انگلینڈ کی جانب سے گس اٹکنسن نے 15 اوورز میں 70 رنز دے کر دو وکٹیں حاصل کیں جبکہ کرس ووکس اور جیک لیچ نے ایک ایک وکٹ حاصل کی۔
شان مسعود کی سنچری (ناٹ آؤٹ 130) اور عبداللہ شریف (ناٹ آؤٹ 94) کی شاندار اننگز کی بنیاد پر پاکستان نے ٹیسٹ میچ کے پہلے دن پیر کو انگلینڈ کے خلاف چائے کے وقت تک ایک وکٹ پر 233 رنز بنا لیے ہیں۔ پاکستان بڑے اسکور کی طرف بڑھ رہا ہے۔
پاکستان نے انگلینڈ کے خلاف تین ٹیسٹ میچوں کی سیریز کے پہلے میچ میں آج ٹاس جیت کر پہلے بیٹنگ کا فیصلہ کیا ہے۔ بیٹنگ کے لیے آنے والے پاکستان کا آغاز اچھا نہ تھا اور پانچویں اوور میں گس ایٹکنسن نے سیم ایوب (چار) کو وکٹ کیپر اسمتھ کے ہاتھوں کیچ کروا کر انگلینڈ کو پہلی کامیابی دلائی۔ کھانے کے وقت تک پاکستان نے 25 اوورز میں ایک وکٹ پر 122 رنز بنا لیے تھے۔ شان مسعود اور عبداللہ شفیق کی جوڑی نے کھانے کے بعد تحمل سے بیٹنگ کی۔ اس دوران شان مسعود نے 102 گیندوں کا سامنا کرتے ہوئے اپنی سنچری مکمل کی۔ بحیثیت کپتان شان مسعود نے اپنے ٹیسٹ کیریئر کی پہلی سنچری اسکور کی ہے۔ یہ ان کی بطور کھلاڑی 5ویں ٹیسٹ سنچری ہے۔
چائے کے وقت تک پاکستان نے 52 اوورز میں ایک وکٹ پر 233 رنز بنا لیے ہیں۔ شان مسعود نے 142 گیندوں (ناٹ آؤٹ 130) میں سنچری اسکور کی اور عبداللہ شریف اس وقت 161 گیندوں پر (ناٹ آؤٹ 94) کریز پر موجود ہیں۔
انگلینڈ کی جانب سے واحد کامیاب باؤلر گس اٹکنسن تھے جنہوں نے سات اوورز میں 32 رنز دے کر ایک وکٹ حاصل کی۔