کور کمانڈر نے کپواڑہ میں اگلی چوکیوں کا دورہ کیا

سرینگر//
فوج کی پندرہویں کمان کے کمانڈر‘ لیفٹیننٹ جنرل راجیو گھائی نے پیرکوکپواڑہ اور ٹنگڈار میں لائن آف کنٹرول پر اگلی چوکیوں کا دورہ کیا۔
دفاعی ذرائع نے بتایا کہ پیرکے روز کور کمانڈر نے ایل او سی کا دورہ کیا اور وہاں پر فوج کی آپریشنل تیاریوں کا جائزہ لیا۔
ذرائع نے کہا کہ لیفٹیننٹ جنرل راجیو گھائی نے سیکورٹی صورتحال کا جائزہ لینے کیلئے ایل او سی پراگلی چوکیوں کا دورہ کیا اور وہاں پر تعینات جوانوں سے بات چیت کی۔
اس موقع پر گراؤنڈ پر تعینات آفیسران نے آپریشنل تیاریوں اور تازہ سیکورٹی صورتحال سے متعلق کور کمانڈر کو بریف کیا۔
اس سے قبل کور کمانڈر کو فوج کے سینئر آفیسران نے لائن آف کنٹرول کی صورتحال کے بارے میں بریفنگ دی۔
کور کمانڈر کو مخالفین کے چیلنجز کا مقابلہ کرنے کے لئے کئے جانے والے اقدامات کے بارے میں بھی آگاہی فراہم کی گئی۔
سری نگر نشین دفاعی ترجمان نے ایکس پر جانکاری فراہم کرتے ہوئے بتایا’’چنار کور کمانڈر نے شمالی کشمیر میں سیکورٹی صورتحال کا جائزہ لیا‘‘۔انہوں نے کہاکہ بعدازاں فوجی کمانڈر نے ٹنگڈار کا دورہ کیا اور وہاں پر آپریشنل تیاریوں کے بارے میں آفیسران سے آگاہی حاصل کی۔
ترجمان کے مطابق کور کمانڈر نے ایل او سی پر تعینات افواج کو چوبیس گھنٹے متحرک رہنے کے احکامات صادر کئے ہیں۔