راجوری: ایل او سی پر در اندازی کی کوشش ناکام، دو ملی ٹنٹ ہلاک:فوج

جموں//
فوج کا کہنا ہے کہ جموں وکشمیر کے ضلع راجوری کے نوشہرہ سیکٹر میں لائن آف کنٹرول (ایل او سی) پر در اندازی کی ایک کوشش کو ناکام بنا کر دو ملی ٹنٹوں کو ہلاک کر دیا گیا جبکہ علاقے میں تلاشی آپریشن ہنوز جاری ہے ۔
فوج نے کہا کہ ہلاک شدگان کی تحویل سے جنگی سامان اور اسلحہ و گولہ بارود برآمد کیا گیا۔
فوج کی وائٹ نائٹ کور نے ’ایکس‘پر ایک پوسٹ کے ذریعے جانکاری فراہم کرتے ہوئے کہا کہ ممکنہ در اندازی کی کوششوں کے متعلق انٹلی جنس ایجنسیوں اور جموں و کشمیر پولیس کی طرف سے موصولہ اطلاعات پر فوج نے اتوار اور پیر کی درمیانی شب نوشہرہ سیکٹر کے لام علاقے میں آپریشن شروع کر دیا۔
انہوں نے کہا’’آپریشن کے دوران دو دہشت گردوں کو مار گرایا گیا اور جائے موقع سے اب تک جنگی سامان سمیت گولہ و بارود بر آمد کیا گیا‘‘۔
برآمد شدہ اسلحہ و گولہ بارود میں۲؍اے کے۴۷ رائفلیں اور ایک پستول شامل ہے ۔
پوسٹ کے مطابق علاقے میں وسیع پیمانے پر تلاشی آپریشن جاری ہے ۔