چھتر گام میں موٹر سائیکل سوار جاں بحق

سرینگر//
وسطی کشمیر کے چھتر گام علاقے میں پیش آئے ٹریفک کے حادثے میں موٹر سائیکل سوار جاں بحق ہوا ہے ۔
اطلاعات کے مطابق وسطی ضلع بڈگام کے چھتر گام علاقے میں اس وقت سراسیمگی دوڑ گئی جب موٹر سائیکل کو حادثہ پیش آیا جس کے نتیجے میں موٹر سائیکل سوار شدید طورپر زخمی ہوا۔
معلوم ہوا ہے کہ زخمی نوجوان کو علاج ومعالجہ کی خاطر نزدیکی ہسپتال منتقل کیا گیا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت نذیر احمد خان ولد عبدالصمد ساکن بی کے پورہ کے بطور ہوئی ہے ۔دریں اثنا پولیس نے معاملے کی نسبت کیس درج کرکے مزید تحقیقات شروع کی ۔
اس دوران جموں کے ضلع کشتواڑ کے اٹھولی علاقے میں ہفتے کی صبح ایک سڑک حادثے میں کم سے کم ۱۲؍افراد زخمی ہوگئے ۔
ذرائع نے بتایا کہ کشتواڑ کے اٹھولی علاقے میں ایک سومو گاڑی سڑک سے لڑھک کر کھائی میں جا گری جس کے نتیجے میں ۱۲؍افراد زخمی ہوگئے ۔انہوں نے کہا کہ زخمیوں کو نکال کر نزدیکی ہسپتال منتقل کیا گیا ہے ۔