پروازوں میں تاخیر اور منسوخی سنگین: کانگریس

نئی دہلی// کانگریس نے جمعرات کو کہا کہ پروازوں میں تاخیر اور منسوخی ایک سنگین معاملہ ہے اور حکومت کو اسے حل کرنے کے لئے سنجیدگی سے غور کرنا چاہئے ۔
انڈین ایئر کرافٹ بل 2024 پر بحث کا آغاز کرتے ہوئے کانگریس کے ادور پرکاش نے کہا کہ یہ بل ایئر کرافٹ ایکٹ 1934 کی جگہ لایا گیا ہے لیکن ہوائی جہاز کی حفاظت اور اس سے متعلق تمام شعبوں کا معاملہ بڑا اہم ہے جس پر حکومت کو غور کرنا چاہیے ۔ پروازوں میں تاخیر اور منسوخی ایک سنگین معاملہ ہے جس پر توجہ دی جانی چاہیے ۔
مسٹر پرکاش نے کہا کہ حکومت یہ بل تفصیلی بحث کے بغیر لائی ہے ، جو مناسب نہیں ہے ۔ حکومت موسمیاتی تبدیلی کو مدنظر رکھ کر اس پر بحث کرکے اسے لانا چاہئے ۔ ہوا بازی کی صنعت کاربن کے اخراج میں تین فیصد حصہ ڈالتی ہے جو کہ ایک سنگین تشویش کا باعث ہے ۔ انہوں نے کہا کہ موسمیاتی تبدیلی کے حوالے سے ہمارا عہد پورا ہونا چاہیے ، انہوں نے کہا کہ ہوائی اڈوں کی حفاظت میں مصروف سی آئی ایس ایف کے چیلنجوں کے حوالے سے اس بل میں کوئی التزام نہیں رکھا گیا ہے ۔ ہوائی اڈوں پر تعینات سی آئی ایس ایف پر کام کا بوجھ بھی بڑھ رہا ہے ۔
مسٹر پرکاش نے کہا کہ یہ بل ایوی ایشن انڈسٹری کی مانگوں کو پورا کرنے میں ناکام رہا ہے ، کانگریس کے لیڈر نے کہا کہ پچھلے 10 برسوں میں اس سیکٹر میں کئی واقعات ہوئے ہیں لیکن کوئی ضابطہ نہ ہونے کی وجہ سے اس معاملے میں کوئی کارروائی نہیں ہوئی ہے ۔ دہلی کے ہوائی اڈے کی چھت گرجانا تشویشناک بات ہے کہ کیرالہ سے بڑی تعداد میں لوگ مغربی ایشیا میں کام کرتے ہیں لیکن ہوائی کرایوں میں اضافے کی وجہ سے لوگوں کو شدید پریشانی کا سامنا کرنا پڑ رہا ہے ۔ حکومت بڑھے ہوئے ہوائی کرایوں کو کم کرنے پر غور کرے ۔
قبل ازیں شہری ہوا بازی کے وزیر رام موہن نائیڈو نے ایوان میں بل پیش کرتے ہوئے کہا کہ ہندوستانی ہوائی جہاز بل 2024 ہوائی جہازوں کے ڈیزائن، تیاری، دیکھ بھال، رکھنے ، استعمال، پرواز، فروخت، برآمد اور درآمد کے ضابطے اور کنٹرول کے لیے ہے ۔ حکومت ایوی ایشن ایکٹ 1934 کی جگہ انڈین ایئر کرافٹ بل 2024 نافذ کرنا چاہتی ہے ۔
انہوں نے کہا کہ اس بل کے تحت ایوی ایشن سیکٹر میں مینوفیکچرنگ کو فروغ دیا جائے گا، تجارت کو آسان بنایا جائے گا اور بین الاقوامی معاہدوں کے مطابق بل میں ضروری شقیں رکھی جائیں گی۔
بھارتیہ جنتا پارٹی (بی جے پی) کے راجیو پرتاپ روڈی نے کہا کہ یہ ایک ایسا موضوع ہے جو ہر کسی کی زندگی کو متاثر کرتا ہے ۔ انہوں نے کہا، [؟]اس وقت ہم ہوا بازی کے میدان میں بہت آگے نکل چکے ہیں۔ ہندوستان میں ایوی ایشن سروس بہت پھیل چکی ہے ۔
انگریزوں کے بنائے ہوئے ایوی ایشن ایکٹ میں 21 بار ترمیم کی گئی اور اس کی جگہ نیا بل لایا گیا جو کہ قابل تحسین اقدام ہے ۔
انہوں نے کہا کہ انڈین ایئر کرافٹ بل کی بجائے اس کا نام انڈین ایوی ایشن بل ہونا چاہیے ۔ حکومت چاہے تو اس میں اصلاح کر سکتی ہے ۔ انہوں نے کہا کہ ہماری حکومت دور رس پالیسیاں بناتی ہے ۔