لندن//
انگلینڈ کے فاسٹ بولر جیمز اینڈرسن نے انٹرنیشنل کرکٹ سے ریٹائرمنٹ کا اعلان کردیا۔
جیمز اینڈرسن ویسٹ انڈیز کے خلاف پہلے ٹیسٹ کے بعد ریٹائر ہو جائیں گے۔
انگلینڈ اور ویسٹ انڈیز کی ٹیموں کے درمیان سیریز کا پہلا ٹیسٹ 10 جولائی سے لارڈز میں شروع ہوگا جو اینڈرسن کے کیریئر کا آخری بین الاقوامی میچ ہوگا۔
علم میں رہے کہ انگلینڈ کے جیمز اینڈرسن ٹیسٹ کرکٹ میں 700 وکٹیں لینے والے واحد فاسٹ بولر ہیں، انہوں نے اس سنگ میل تک پہنچنے کےلیے 187 ٹیسٹ میچز کا سہارا لیا۔
خیال رہے کہ اینڈرسن بھارت کے سچن ٹنڈولکر (200 میچز) کے بعد کرکٹ کی تاریخ میں دوسرے سب سے زیادہ ٹیسٹ میچز کھیلنے والے کھلاڑی بھی ہیں۔
علاوہ ازیں جیمز اینڈرسن 194 ون ڈے میچز میں 269 وکٹیں بھی حاصل کرچکے ہیں جبکہ 19 ٹی ٹوئنٹی انٹرنیشنل میچز بھی کھیلے جن میں 18 وکٹیں لیں۔
ٹیسٹ کرکٹ میں 700 وکٹیں لینے والے انگلینڈ کے تیز گیند باز جم اینڈرسن جلد ہی بین الاقوامی کرکٹ سے ریٹائرمنٹ لے سکتے ہیں۔
اینڈرسن نے اس سال ہندوستان کے دورے کے دوران دھرم شالہ ٹیسٹ میں اپنی 700 ویں ٹیسٹ وکٹ حاصل کی اور یہ کارنامہ انجام دینے والے دنیا کے تیسرے گیندباز بن گئے۔ 41 سالہ کھلاڑی نے یہ کارنامہ اپنے کیریئر کے 187 ویں ٹیسٹ میں انجام دیا تھا۔ تاہم عمر کا اثر ان کی کارکردگی پر صاف نظر آرہا تھا اور انہوں نے سات اننگز میں صرف 110 اوور گیندبازی کی تھی۔
فاسٹ باؤلر نے اپنے ٹیسٹ کیریئر کے دوران 32 مرتبہ پانچ یا اس سے زیادہ وکٹیں حاصل کیں جبکہ تین بار دس وکٹیں حاصل کیں۔
دی گارڈین کے مطابق اینڈرسن جولائی میں ویسٹ انڈیز کی ہوم ٹیسٹ سیریز کے دوران 42 سال کے ہو جائیں گے۔ اس کے بعد وہ سری لنکا کے خلاف ٹیسٹ سیریز کے دوران ریٹائر ہو سکتے ہیں، جس کا پہلا میچ اگست کے آخر میں اینڈرسن کے ہوم گراؤنڈ اولڈ ٹریفورڈ میں کھیلا جائے گا۔
فی الحال اینڈرسن کاؤنٹی کرکٹ نہیں کھیل رہے ہیں۔ انہوں نے کہا تھا کہ ورک لود منیجمنٹ کی وجہ سے وہ مئی کے آخر تک کوئی بھی کاؤنٹی میچ کھیل سکیں گے۔