تائیوان:مشرقی ساحل پر 5.8شدت زلزلے کے جھٹکے

تاپے//
تائیوان کے مشرقی ساحلی علاقے میں شدید زلزلے کے جھٹکے محسوس کئے گئے، جس کی شدت 5.8ریکارڈ کی گئی۔غیر ملکی خبر رساں ادارے کے مطابق تائیوانی حکام کا کہنا ہے کہ جمعہ کو آنے والے زلزلے کی شدت سے دارالحکومت تائپے میں عمارتیں لرز گئیں۔
ان کا کہنا ہے کہ تائیوان کے مشرقی ساحل ہوالین کاؤنٹی پر آںے والے زلزلے کی گہرائی 10 کلومیٹر ریکارڈ کی گئی ہے جبکہ فوری طور پر کسی نقصان کی کوئی اطلاع موصول نہیں ہوئی۔
واضح رہے کہ گزشتہ ماہ ہوالین میں 7.2شدت کے زلزلے کے بعد سے تائیوان تقریباً ایک ہزار 400 آفٹر شاکس کا شکار ہو چکا ہے، اس زلزلے کے نتیجے میں17 افراد ہلاک ہوگئے تھے۔