نئی دہلی// کانگریس نے عام آدمی پارٹی (آپ) کے رہنما اور دہلی کے وزیر اعلی اروند کیجریوال کو سپریم کورٹ سے عبوری ضمانت ملنے کا خیر مقدم کیا ہے اور امید ظاہر کی ہے کہ جھارکھنڈ کے سابق وزیر اعلیٰ ہیمنت سورین کو بھی اسی طرح راحت مل جائے گی۔
کانگریس کے میڈیا انچارج پون کھیڑا نے مسٹر کیجریوال کو ضمانت ملنے پر خوشی کا اظہار کیا اور وزیر اعظم نریندر مودی کی طرف اشارہ کیا کہ وہ جس طرح کی سیاست کرتے ہیں، انہیں 4 جون کو وزیر اعظم کے عہدے سے سبکدوش ہونے کے بعد خود شناسی کے لیے سابرمتی آشرم جانا چاہیے ۔
مسٹر کھیڑا نے کہا ‘‘ہم اروند کیجریوال کو سپریم کورٹ سے ملنے والی راحت کا خیر مقدم کرتے ہیں۔ آئیے امید کرتے ہیں کہ 4 جون تک وزیر اعظم نریندر مودی سابق وزیر اعظم بن چکے ہوں گے اور اس کے بعد وہ سابرمتی آشرم میں بیٹھ کر خود کا جائزہ لیں گے اور غور کریں گے کہ وہ کس قسم کی سیاست کرتے ہیں۔ ساتھ ہی ہم امید کرتے ہیں کہ جھارکھنڈ کے سابق وزیر اعلیٰ ہیمنت سورین کو بھی جلد از جلد ایسا ہی انصاف ملے گا۔ ’’
