سرینگر/۸مئی
پی ڈی پی صدر اور سابق وزیر اعلیٰ محبوبہ مفتی کا کہنا ہے کہ دفعہ 370 کی تنسیخ کے بعد سے جموں وکشمیر کے لوگوں کے حقوق چھیننے کی مسلسل کوششیں کی جا رہی ہیں۔
محبوبہ نے کہا کہ سال 2019 سے ہر روز نئے فرامین جاری کئے جارہے ہیں۔
سابق وزیر اعلیٰ نے ان باتوں کا اظہار بدھ کے روز وسطی کشمیر کے ضلع بڈگام میں ایک انتخابی ریلی کے حاشیئے پر نامہ نگاروں کے ساتھ بات کرنے کے دوران کیا۔
پی ڈی پی صدر نے کہا”سال 2019 سے ہر روز نئے فرامین جاری کئے جارے ہیں دفعہ 370 کی تنسیخ کے بعد جموں و کشمیر کے لوگوں کے حقوق چھیننے اور ان کو بے اختیار بنانے کی کوششیں جا رہی ہیں“۔
محبوبہ کا کہنا تھا”ہمارے اثاثے اور وسائل چھینے جا رہے ہیں اور بجلی ہمیں مہنگی دی جا رہی ہے جبکہ ملک میں بجلی کافی سستی بیچی جا رہی ہے “۔
پی دی پی صدر نے رواں لوک سبھا الیکشن کو اہم قرار دیتے ہوئے کہا”یہ الیکشن اس لئے اہم ہیں تاکہ لوگ دلی کو یہ پیغام دے سکیں کہ سال 2019 میں لئے گئے فیصلے ہمیں قابل قبول نہیں ہیں“۔انہوں نے کہا کہ پی ڈی پی لوگوں کے دلوں میں بستی ہے ۔
سابق وزیر اعلیٰ کا کہنا تھا”لوگ جانتے ہیں کہ پی ڈی پی نے کم عرصے میں جتنا کام کیا اتنا باقی پارٹیوں نے پچاس برسوں تک اقتدار میں رہنے کے با وجود بھی نہیں کیا“۔
ایک سوال کے جواب میں پی ڈی پی صدر نے کہا”میرا جھگڑا عمر عبداللہ کے ساتھ نہیں ہے میں چاہتی ہوں کہ لوگ ایک ایسی پارٹی کو ووٹ دیں جو پارٹی دلی میں بغیر کسی خوف کے لوگوں کے مسائل اور حقیقت کو بیان ک
ر سکے ۔“
