سرینگر/۷مئی
جنوبی کشمیر کے ضلع کولگام میں منگل کی صبح دہشت گردوں اور سیکورٹی اہلکاروں کے درمیان فائرنگ کا تازہ تبادلہ ہوا۔
ایک مقامی خبر رساں ادارے نے ایک اعلیٰ پولیس افسر کے حوالے سے خبر دی ہے کہ ریڈوانی علاقے میں رات بھر جاری رہنے والی لڑائی کے بعد منگل کی صبح فائرنگ دوبارہ شروع ہو گئی۔
علاقے میں دہشت گردوں کی موجودگی کے بارے میں خفیہ اطلاعات ملنے کے بعد پیر کی شام علاقے کو گھیرے میں لے لیا گیا تھا ، تاہم رات گئے کے دوران اضافی سیکورٹی فورسز کو موقع پر بھیجا گیا تاکہ اس بات کو یقینی بنایا جاسکے کہ انکاو¿نٹر میں ملوث دہشت گرد علاقے سے فرار نہ ہوں۔
انہوں نے کہا کہ علاقے کی طرف جانے والے تمام راستوں کو سیل کردیا گیا ہے جبکہ احتیاطی تدابیر کے طور پر ٹریفک اور عوامی نقل و حرکت کو بھی محدود کردیا گیا ہے۔
