بی جے پی کی جملے بازی اس بار کام نہیں آنے والی، وداعی یقینی:مایاوتی

مین پوری//بی جے پی کو جملے باز پارٹی قرار دیتے ہوئے بہوجن سماج پارٹی(بی ایس پی) سپریمو مایاوتی نے جمعرات کو کہا کہ موجودہ لوک سبھا الیکشن میں جملے بازی کام نہیں آئے گی۔
کرشچن کالج کے کھیل میدان میں انتخابی ریلی سے خطاب کرتے ہوئے مایاوتی نے کہا کہ بی جے پی مرکز میں واپس نہیں آئے گی۔ بی جے پی ای وی ایم میں گڑبری کرتی ہے اور جملے باز پارٹی ہے ۔ سال 2024 کے لوک سبھا الیکشن میں بی جے پی کی جملے بازی کام نہیں آئے گی۔
انہوں نے بی جے پی کے ساتھ ساتھ کانگریس پر بھی نشانہ سادھا اور کہا کہ کانگریس کی غلط پالیسیوں کی وجہ ہی کانگریس کے ہاتھوں سے اقتدار گئی۔ مرکز اور ریاست کانگریس کے ہاتھ سے نکلتے چلے گئے ۔
مایاوتی نے کہا کہ بی ایس پی پارٹی کر کے دکھانے میں یقین رکھتی ہے اور دیگر پارٹیاں انتخابی منشور جاری کر عوام کو گمراہ کرنے کا کام کرتی ہیں۔ انہوں نے دعوی کیا کہ سماج وادی پارٹی کا امیدوار مین پوری میں دوسرے یا تیسرے نمبر پر آسکتا ہے ۔ بی ایس پی امیدوار کسی کو ہرانے یا جتانے کے لئے نہیں لڑرہے بلکہ جیتنے کے لئے لڑرہے ہیں۔ مین پوری ، ایٹہ اور فیروزآباد سے بی ایس پی امیدوار جیت رہے ہیں۔
بی ایس پی سپریمو نے مین پوری کی عوام سے بی ایس پی امیدوار شیوپرساد یادو کو کثیر ووٹوں سے جتانے کی اپیل کی اور کہا کہ مین پوری میں آج کی ریلی میں امڈی بھیڑ نے ثابت کردیا ہے کہ عوام بی ایس پی کے ساتھ ہیں اور بی ایس پی ہی مین پوری سیٹ سے کامیاب ہوگی۔