وزیر اعظم مودی نے نوجوان گرینڈ ماسٹر ڈی گوکیش کو مبارکباد دی

نئی دہلی// وزیر اعظم نریندر مودی نے نوجوان گرینڈ ماسٹر ڈی گوکیش کو کینڈیڈیٹس شطرنج ٹورنامنٹ جیتنے والا سب سے کم عمر کھلاڑی بننے پر پیر کو مبارکباد دیتے ہوئے کہا کہ ان کی یہ کامیابی لاکھوں لوگوں کے لیے تحریک ہوگی۔
مسٹر مودی نے سوشل میڈیا پلیٹ فارم ایکس پر لکھا، ’’ہندستان کو ایف آئی ڈی ای کینڈیڈیٹس ٹورنامنٹ جیتنے والے سب سے کم عمر کھلاڑی بنے ڈی گوکیش پر فخر ہے۔
گوکیش کی ایک تصویر پوسٹ کرتے ہوئے انہوں نے لکھا، “ٹورنٹو میں منعقدہ ٹورنامنٹ میں گوکیش کی شاندار کامیابی ان کی غیر معمولی صلاحیتوں اور لگن کا مظہر ہے۔ ان کی غیر معمولی کارکردگی اور چوٹی تک کا سفر لاکھوں لوگوں کو متاثر کرے گا۔
قابل ذکر ہے کہ 17 سالہ گرینڈ ماسٹر ڈی گوکیش نے ٹورنٹو میں کینڈیڈیٹس شطرنج ٹورنامنٹ کے 14 ویں اور آخری راؤنڈ میں امریکہ کے ہیکارو ناکامورا کے ساتھ ڈرا کھیلا۔ انہوں نے گیری کاسپاروف کا 40 سال پرانا ریکارڈ توڑ کر ورلڈ چیمپئن شپ کا خطاب جیتا۔ اس کے ساتھ وہ شطرنج کے سب سے کم عمر کھلاڑی بن گئے۔