بی جے پی نے ملک میں غیر یقینی صورتحال پیدا کی ہے

جموں//
جموںکشمیر پردیش کانگریس کے صدر‘ وقار رسول وانی نے جمعے کے روز کہا کہ بی جے پی کی ایمائپر کانگریس کے بینک اکاونٹ منجمد کئے گئے ہیں۔
وانی نے کہاکہ بھاجپا جمہوریت کو کچل رہی ہے ۔
ان باتوں کا اظہار وقار رسول وانی نے جموں میں ایک پریس کانفرنس کے دوران کیا۔
وانی نے کہاکہ ملک میں جو اس وقت صورتحال ہے وہ کھبی نہیں دیکھی گئی، اپوزیشن پارٹیوں کے خلاف بھاجپا نے مہم شروع کی ہوئی ہے ۔
کانگریسی یونٹ صدر نے کہاکہ کانگریس پارٹی کے اکاونٹس منجمد کر دئے گئے ہیں ، لوک سبھا انتخابات کے باوجود بھی اکاونٹس کو بحال نہیں کیا جارہا ۔انہوں نے مزید بتایا کہ پارٹی نے یہ رقم عام لوگوں سے اکھٹی کی تھی ۔
وانی کے مطابق کانگریس کے امیدوار انتخابی مہم شروع کرنے سے قاصر ہے کیونکہ اشتہارات کیلئے بھی ہمارے پاس نہیں ۔انہوں نے سپریم کورٹ اور الیکشن کمیشن سے درخواست کی کہ اس کا نوٹس لیں تاکہ پارٹی اس رقم کو انتخابی مہم میں استعمال کر سکے ۔
کانگریسی یونٹ صدر نے الزام لگایا کہ بی جے پی نے پورے ملک میں تاناشاہی کا راج قائم کیا ہوا ہے ۔انہوں نے کہاکہ جمہوریت کے دعویدار ہی جمہوریت کو کچلنے کا کام کر رہے ہیں ۔
وانی کاکہنا تھا کہ پارٹی نے جموں صوبے کی دو پارلیمانی نشستوں کیلئے امیدواروں کا فیصلہ کیا ہے ‘ جن کے ناموں کا پارٹی جلد اعلان کرے گی ۔