سرنکوٹ میں کمین گاہ سے اسلحہ وگولہ بارود برآمد

جموں//
جموں وکشمیر کے پونچھ ضلع کے سرنکوٹ علاقے میں سیکورٹی فورسز نے اسلحہ وگولہ بارود برآمد کرکے ضبط کیا۔
دفاعی ذرائع نے بتایا کہ جمعے کے روز پولیس اور فوج نے ایک مشترکہ آپریشن کے دوران سرنکوٹ کے سنگلا خونی نالہ کے نزدیک کمین گاہ سے ایک موٹار ، تین موٹار شیل، ایک پستول اور پانچ پستول گولیوں کے راونڈ برآمد کئے۔
ذرائع نے بتایا کہ علاقے میں تلاشی آپریشن ہنوز جاری ہے۔
واضح رہے کہ بدھ کے روز سکیورٹی فورسز نے کپواڑہ میں ایک مشترکہ آپریشن کے دوران بڑی مقدار میں اسلحہ وگولہ بارود اور قابل اعتراض مواد برآمد کرکے ضبط کیا ہے۔