پیداوار میں’زبردست’ کمی :مزید اڈھائی گھنٹے کی کٹوتی کا اعلان

سرینگر//
کشمیر پاور ڈسٹری بیوشن کمپنی لمیٹڈ (کے پی ڈی سی ایل) نے وادیٔ کشمیر میں وقفہ وقفہ سے بجلی تخفیف کے شیڈول کو مزید اڈھائی گھنٹے سے بڑھانے کا اعلان کیا ہے۔
وادی ٔ کشمیر میں موجودہ موسمی صورت حال اور طویل خوشک سالی کے پیش نظر کشمیر پاور ڈسٹری بیوشن کمپنی لمیٹڈ نے عوام کو مطلع کیا ہے کہ بجلی کی پیداوار میں زبردست کمی کے نتیجہ میں یہ فیصلہ لیا جارہا ہے۔ ’’اس طرح اب محکمہ کو وقفہ وقفہ سے اس عارضی دورانیہ میں دو سے ڈھائی گھنٹے کا اضافہ کرنا پڑے گا‘‘۔
محکمہ کے مطابق جیسے ہی بجلی کی پیدوار میں معقولیت آئی گی اور اضافہ ہوگا تو یہ عارضی دورانیہ کو واپس لے لیا جائے گا۔ متعلقہ محکمہ نے دورانیہ بڑھانے کی وجہ سے صارفین کو ہونے والی تکلیف پر معذرت کا اظہار کیا ہے۔
واضح رہے کہ وادی ٔ کشمیر میں میٹر والے علاقوں میں وقفہ وقفہ سے بجلی تخفیف شیڈول دو گھنٹے کا ہوا کرتا تھا۔ جب کہ غیر میٹر والے علاقوں میں اس تخفیف کا دورانیہ اس سے بھی زیادہ تھا۔ پانی کی قلت کی وجہ سے جموں و کشمیر سے بجلی پیدا کرنے کی صلاحیت تقریباً۸۵فیصد کم ہو گئی ہے۔ پورے خطے سے بجلی کی پیداواری صلاحیت۱۲۰۰میگاواٹ ہے۔
پی ڈی ڈی کے پرنسپل سکریٹری نے پہلے کہا تھا کہ یونین ٹیریٹری پول سے بجلی کی پیداوار میں بہت زیادہ کمی ہے۔
ریاستی پول سے ہمارے پاس۱۲۰۰میگاواٹ بجلی پیدا کرنے کی صلاحیت ہے۔ تاہم دسمبر ۲۰۲۳میں پانی کی کمی کی وجہ سے صرف۱۵۰میگاواٹ بجلی پیدا ہو رہی ہے۔