دبئی// انٹرنیشنل کرکٹ کونسل (آئی سی سی) نے آسٹریلیا اور جنوبی افریقہ کے درمیان آئندہ خواتین کی ٹی 20 بین الاقوامی دو طرفہ سیریز کے لیے انگلینڈ کی سو ریڈ فیرن کو خاتون نیوٹرل امپائر مقرر کیا ہے۔
تمام آئی سی سی ویمنز چیمپئن شپ سیریز اور ٹی20 انٹرنیشنل میچ کے لیے آئی سی سی کے ایک ںیوٹرل امپائرمقررکرنے کے فیصلے کے بعد ریڈفرن کی تقرری کی گئی ہے۔ اسی کے ساتھ ہی ریڈفرن دو طرفہ سیریز میں آئی سی سی کی طرف سے مقرر کی گئی پہلی خاتون نیوٹرل امپائر بن گئی ہیں۔
ریڈفرن نے اپنی تقرری کے بارے میں کہا، "یہ خواتین کی کرکٹ اور خواتین کی کرکٹ حکام دونوں کے لیے ایک اہم لمحہ ہے۔ میں آئی سی سی اور انگلینڈ اینڈ ویلز کرکٹ بورڈ کی حمایت کے لیے شکریہ ادا کرنا چاہتی ہوں اور اس طرح کی مزید تقرریوں کی منتظر ہوں۔‘‘
آئی سی سی کے جنرل منیجر آف کرکٹ وسیم خان نے کہا، "یہ خواتین کی کرکٹ کے لیے ایک تاریخی لمحہ ہے کیونکہ ہم ویمنز میچ آفیشلز پاتھ وے پروگرام کو نافذ کرنے اور اپنے بہترین پرفارمرز کے لیے آفیشٹنگ کے مواقع کو تیز کرنا چاہتے ہیں۔”
انہوں نے کہا کہ "نیوٹرل تقرریوں سے خواتین امپائرز کو مختلف حالات میں مزید نمائش ملے گی اور ان کے ساتھ امپائرنگ کرنے والی مقامی خواتین امپائروں کوسیکھنے اور ترقی میں مدد ملے گی۔
