سیکریٹری اطلاعات ریحانہ بتول کی محکمہ اطلاعات کے کام کا جائزہ

جموں//
سیکرٹری محکمہ اطلاعات ‘ریحانہ بتول نے آج یہاں سول سیکرٹریٹ میں محکمہ کے کام کاج کا تفصیلی جائزہ لیا۔
ابتداً،ڈائریکٹر اِنفارمیشن جتن کشور نے محکمے کی کامیابیوں پر روشنی ڈالی جس میں جی۲۰سمٹ کی مثالی میڈیا کوریج، نومبر۲۰۲۳ میں ایک نئی محکمانہ ویب سائٹ کا اجرأاور گزشتہ برس جولائی میں ایک نیالوگو اَپنانا شامل ہے۔
جوائنٹ ڈائریکٹر (ہیڈ کوارٹر) وویک پوری نے ایک تفصیلی پرزنٹیشن دی جس میں محکمہ کے ورک پروفائل اور اہم پالیسیوں بشمول میڈیا پالیسی۲۰۲۰ کے بارے میں قیمتی معلومات پیش کی گئی۔
پوری نے گوا میں اِنٹرنیشنل فلم فیسٹول۲۰۲۳ میں محکمہ کی کامیاب شرکت کے بارے میںمیٹنگ کو جانکاری دی ۔
سیکرٹری ریحانہ بتول نے محکمہ کی تعریف کرتے ہوئے کہا کہ جموں و کشمیر میں زائد اَز ۳۰۰فلم شوٹنگ کی اِجازت دی گئی ہے جو قومی اور بین الاقوامی سطح پر فلم اِنڈسٹری کے لئے محکمہ کے عزم اور ردِّعمل کو ظاہر کرتی ہے۔
سیکریٹری اطلاعات نے فیسٹول کے دوران فلم سازوں کے مثبت ردِّعمل کو تسلیم کرتے ہوئے کہا کہ ڈی آئی پی آر کی گوا میںآئی ایف ایف۲۰۲۳ ء میں شرکت شاندار تھی جس سے ہندوستان اور بیرون ملک فلم سازوں کو ایک مثبت پیغام گیا ہے۔
بتول نے محکمہ کے بارے میں اَپنے ویژن کا اظہار کرتے ہوئے کہا ’’تربیت بہت اہم ہے اور یہ ایک باقاعدہ معاملہ ہونا چاہیے۔ جدید ترین آلات کی فراہمی ہمارے عملے کیلئے ضروری ہے تاکہ وہ بدلتے ہوئے ماحول سے باخبر رہ سکیں‘‘۔
سیکریٹری اطلاعات نے مزید کہا کہ تربیت کیلئے قومی اعلیٰ اِداروں کے ساتھ تعاون ایک قدم ہے۔
بتول نے محکمہ تعلقات عامہ کے شعبہ کے معمول کے کام کو بھی سراہا جنہوں نے بروقت معلومات فراہم کرنے اور پریس ریلیز کے ذریعے عوام تک پہنچانے کیلئے اُن کی لگن کو سراہا۔ اُنہوں نے اس بات پر زور دیا کہ محکمہ کا پی آر وِنگ بنیادی بازو کے طور پر کام کرتا ہے جو پروگراموں ،سکیموں اور دیگر حکومتی اَقدامات کوخصوصی طور پر عوام تک پہنچانے کا ذمہ دار ہے۔
میٹنگ میں جموں اور سری نگر کے اَضلاع میں ڈی آئی پی آر دفاتر کی تزئین و آرائش اور صحافیوں کی ایکریڈیٹیشن‘اخبارات کی ایمپنلمنٹ اور ڈی ایمپنلمنٹ سے متعلق امور پر تفصیلی تبادلہ خیال کیا گیا۔
میٹنگ میں ڈائریکٹر اِنفارمیشن اینڈ پی آر جتن کشور، سپیشل سیکرٹری محکمہ اطلاعات ڈاکٹر مشتاق احمد، ڈائرکٹر فائنانس (اِنفارمیشن)، جوائنٹ ڈائریکٹر اِنفارمیشن جموں اَتل گپتا،جوائنٹ ڈائریکٹر اِنفارمیشن ( ہیڈ کوارٹر) وویک پوری ، جوائنٹ ڈائریکٹر اِنفارمیشن کشمیر محمد اسلم خان، ڈپٹی ڈائریکٹر ان اِنفارمیشن ، فلمز پروڈکشن آفیسر ، فیلڈ پبلسٹی اَفسران ، اکائونٹس آفیسر اور دیگر متعلقین نے شرکت کی۔