کلکتہ// سی بی آئی نے اسکول سروس کمیشن گھوٹالہ میں ایک ساتھ چار چارج شیٹ پیش کی ہے ۔ سی بی آئی ذرائع کے مطابق سابق وزیر تعلیم پارتھا چٹرجی کا رول ایک اور معاملے میں سامنے آیا ہے ۔اضافی چارج شیٹ میں چارج شیٹ میں ان کا ذکرہے ۔
اس سے قبل کلکتہ ہائی کورٹ نے اساتدہ تقرری گھوٹالہ کی جانچ جنوری تک میں مکمل کرنے کی ہدایت دی تھی۔سی بی آئی اس حکم کے بعد ہی پیر کو چارج شیٹ داخل کی ہے ۔ سی بی آئی بھرتی بدعنوانی کے چار معاملات میںیہ اضافی چارج شیٹ ہے ۔ تاہم پرائمری اسکول اساتذہ تقرری میں چارج شیٹ پیش نہیں کیا گیا ہے ۔ سی بی آئی علی پور کی خصوصی سی بی آئی عدالت میں پرائمری- نویں-دسویں، گیارہویں-بارھویں، گروپ-سی اور گروپ-ڈی کو چھوڑ کر تمام SSC کیسوں میں ایک اضافی چارج شیٹ پیش کی ہے ۔
سی بی آئی نویں دسویں بھرتی معاملے میں پارتھا چٹرجی سمیت سات لوگوں کے خلاف چارج شیٹ پیش کیا ہے ۔ سی بی آئی ذرائع کے مطابق اس معاملے میں یہ نئے نام ہیں۔ اس کیس میں ایجنٹ بھی نامزد کئے گئے ہیں۔ اس معاملے میں ترنمول کانگریس کے ممبر اسمبلی ایم ایل اے جیبن کرشن ساہا کو گرفتار کیا گیا تھا۔ اس میں پارتھ سمیت سات لوگوں کے نام شامل ہیں۔ سی بی آئی نے ایک ایجنٹ کا پتہ لگانے کا بھی دعویٰ کیا ہے ۔ سی بی آئی ذرائع کے مطابق محکمہ تعلیم کے افسر کا نام ایس ایس سی کے ایک کیس کی چارج شیٹ میں ہے ۔ نئی چارج شیٹ میں تین افراد، جو پہلے گواہ تھے ، کو بطور ملزم نامزد کیا گیا ہے ۔
گزشتہ نومبر میں سپریم کورٹ نے کہا تھا کہ ایس ایس سی میں بھرتیوں میں بدعنوانی کے الزامات کی سی بی آئی کی جانچ اگلے دو ماہ میں مکمل کی جائے ۔ یعنی جنوری کے مہینے میں اسے مکمل کر لیا جائے ۔ درخواست گزاروں نے ان مقدمات کی سماعت میں مسلسل تاخیر پر مایوسی کا اظہار کیاتھا۔ اس کے بعد سپریم کورٹ نے یہ حکم جاری کیا۔ اسی طرح سی بی آئی نے 8 جنوری کو فائنل چارج شیٹ جمع کی ہے ۔سی بی آئی کے مطابق ان چار کیسوں میں ان کی تفتیش مکمل ہو چکی ہے ۔