بارہمولہ:۲۰۲۳میں۲۶۴کیسوں میں۴۶۴منشیات فروش گرفتار:پولیس

سرینگر//
بارہمولہ پولیس نے منشیات کے خلاف وسیع پیمانے پر جنگ کو جاری رکھتے ہوئے سال۲۰۲۳کے اختتام تک این ڈی پی ایس ایکٹ کے تحت۲۶۴مقدمے درج کرکے۴۶۴منشیات فروشوں کو گرفتار کیا ہے ۔
پولیس کا کہنا ہے کہ اس دوران۷۵سخت گیر منشیات فروشوں کے خلاف پی آئی ٹی این ڈی پی ایس ایکٹ کے تحت مقدمہ درج کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ بارہمولہ پولیس نے ضلع میں۲۰۲۳کے اختتام تک این ڈی پی ایس ایکٹ کے تحت ۲۶۴کیس درج کئے جس کے نتیجے میں۴۶۴منشیات فروشوں کو گرفتار کیا گیا گیا۔
ترجمان نے کہا کہ۷۵سخت گیر منشیات فروشوں کے خلاف پی آئی ٹی این ڈی پی ایس ایکٹ کے تحت مقدمہ درج کیا ہے ۔
پولیس بیان میں کہا گیا کہ پولیس نے ضلع میں کروڑوں مالیت کی ممنوعہ اشیا کو ضبط کیا ہے ۔انہوں نے کہا’’۲۰۲۳کے دوران ضلع میں مختلف کارروائیوں کے دوران منشیات فروشوں کی۳کروڑ روپیے مالیت کی جائیدادیں جن میں۳مکان‘۳گاڑیاں اور۲ء۱کروڑ روپیے کی نقد رقم شامل ہے ، ضبط کی گئیں‘‘۔
ان کا کہنا تھا کہ علاوہ ازیں بارہمولہ پولیس نے ایس ایس پی کی سربراہی میں مجسٹریٹ کی موجودگی میں لاسی پورہ پلوامہ میں این ڈی پی ایس ایکٹ کے سیکشن۲۵کے تحت۳۴کروڑ رویے مالیت کی ضبط شدہ ممنوعہ مواد اور منشیات کی بھاری مقدار کو تباہ کیا۔
پولیس ترجمان نے بتایا کہ پولیس کی منشیات کی بدعت کے خلاف مہم پر لوگوں نے خوشی اور اطمینان کا اظہار کیا ہے ۔
دریں ااثنا پولیس نے شمالی کشمیر کے ضلع بارہمولہ میں ایک انتہائی مطلوب اور بد نام زمانہ منشیات فروش کے خلاف پی آئی ٹی این ڈی پی ایس ایکٹ کے تحت مقدمہ درج کرکے اس کو سینٹرل جیل کوٹ بلوال جموں میں بند رکھا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس نے بارہمولہ میں ایک انتہائی مطلوب اور بد نام زمانہ منشیات فروش کے خلاف پی آئی ٹی این ڈی پی ایس ایکٹ کے تحت مقدمہ درج کیا ہے ۔انہوں نے منشیات فروش کی شناخت دائود احمد صوفی ولد غلام حسن صوفی ساکن سولندہ کھائی پورہ ٹنگمرگ کے بطور کی ہے ۔
بیان میں کہا گیا کہ مذکورہ منشیات فروش کے خلاف یہ کارروائی مجاز اتھارٹی سے اجازت حاصل کرنے کے بعد انجام دی گئی اور اس کو سینٹرل جیل کوٹ بلوال میں بند رکھا گیا۔
پولیس ترجمان نے بتایا کہ اس منشیات فروش کے خلاف کئی مقدمے درج ہیں اور وہ ٹنگمرگ اور ضلع کے دیگرعلاقوں میں منشیات کے کاروبار کو فروغ دینے اور مقامی نوجوانوں کو منشیات سپلائی کرنے میں ملوث تھا۔انہوں نے کہا کہ کئی مقدموں میں ملوث ہونے کے باوجود وہ اپنی حرکتوں سے باز نہیں آیا۔