نئی دہلی// وزیر اعظم نریندر مودی نے پیر کو انڈین اسپیس ریسرچ آرگنائزیشن (اسرو) کے ذریعہ ایکسپوسیٹ سیٹلائٹ کے کامیاب لانچ پر خوشی کا اظہار کیا اور سائنسدانوں کو مبارکباد دی۔
مسٹرمودی نے اسرو کے سائنسدانوں کو خلائی شعبے میں ہندوستان کو بلندیوں تک لے جانے کے لیے نیک خواہشات کا اظہار کیا۔
وزیر اعظم نے ایکس (سابقہ ٹویٹر) پر پوسٹ کیا، "سال 2024 کی شاندار شروعات کے لیے ہمارے سائنسدانوں کا شکریہ۔ یہ لانچ خلائی شعبے کے لیے شاندار خبر ہے اور اس شعبے میں ہندوستان کی مہارت میں اضافہ ہوگا۔ ہندوستان کو بے مثال بلندیوں پر لے جانے کے لیے ہمارے اسرو کے سائنسدانوں اور پوری خلائی برادری کو نیک خواہشات۔