کلکتہ//) ازدواجی تعلقات بہتر نہ ہونے کی وجہ سے میاں بیوی کچھ دنوں سے الگ الگ رہتے تھے ۔ اتوار کو بیوی نے اچانک شوہر کو اپنے والد کے گھر بلایا۔ نوجوان کے سسرال پہنچنے پراس کی پٹائی کرنے کے بعد بیوی اور بہنوئی پر زہر دینے کا بھی الزام ہے ۔ اسپتال میں داخل کیے جانے کے چند گھنٹوں کے بعد ہی اس کی موت ہوگئی۔مرشد آباد کے رگھوناتھ گنج تھانے کے تیگھری علاقے میں متوفی کی بیوی اور سسرال والوں کے خلاف قتل کی شکایت درج کرائی گئی ہے ۔ دوسری جانب پولس نے لاش کو پوسٹ مارٹم کے لیے بھیج کر تفتیش شروع کردی ہے ۔
مقامی لوگوں کا کہنا ہے کہ اسی گاؤں کی رہائشی سیما خاتون کی شادی مرشد آباد کے جنگی پور تھانہ علاقے تیگھری کے رہائشی محمد رضا سے ہوئی تھی۔ لیکن شادی کے بعد سے ان کے درمیان اکثر جھگڑا رہتا تھا۔ اس کے بعد دونوں الگ ہوگئے تھے ۔ اتوار کو سیما نے اچانک رضا کو اپنے والد کے گھر سے فو ن کرکے ملاقات کیلئے طلب کیا لیکن متوفی کے اہل خانہ نے الزام لگایا کہ اسے سسرال میں vزہر دے کر قتل کیا گیا۔ ان کا کہنا ہے کہ رضا اپنے سسرال سے تباہ حال حالت میں گھر واپس آیا۔ انہوں نے کہا کہ اس کی بیوی اور بہنوئی نے مارپیٹ کی ہے اور زہر دیدیا ہے ۔ اہل خانہ نوجوان کو جنگی پور سب اسپتال لے گئے ۔ حالت دیکھ کر ڈاکٹروں نے اسے اسپتال میں داخل کرایا۔ لیکن علاج کے دوران اتوار کی رات اس کی موت ہوگئی۔ مقتول کی رشتہ دار ریحانہ پروین نے بتایا کہ قتل کے منصوبہ کیلئے اسے گھر بلایا گیا تھا۔
اس واقعہ کے بعد جنگی پور ضلع کے پولیس سپرنٹنڈنٹ آنند رائے نے کہاکہ ‘‘لاش کو پوسٹ مارٹم کے لیے بھیج دیا گیا ہے ۔ تفتیش جاری ہے ۔ اس سے زیادہ فی الحال کچھ کہنا ممکن نہیں۔