راجواڑ میں بھیانک آتشزدگی چار رہائشی مکان خاکستر:عہدیدار

سرینگر//
شمالی ضلع کپواڑہ کے ژنجہ مولہ راجواڑ میں آتشزدگی کی ایک بھیانک واردات میں چار رہائشی مکانوں کو نقصان پہنچا ہے ۔
اطلاعات کے مطابق کپواڑہ کے ژنجہ مولہ راجواڑمیں منگل کی شام رہائشی مکان سے آ گ نمودار ہوئی جس نے آناً فاناً اپنے متصل مزید تین مکانوں کولپیٹ میں لے لیا۔
فائر اینڈ ایمرجنسی اور مقامی لوگ آگ بجھانے کی کارروائی میں مصروف ہے ۔
فائر اینڈ ایمرجنسی کے ایک سینئر عہدیدار نے یواین آئی اردو کو بتایا کہ منگل شام سات بجے ژنجہ مولہ راجواڑ میں آگ نمودار ہونے کی اطلاع ملتے ہی اہلکار جائے موقع پرپہنچے ۔
عہدیدارنے بتایا کہ سات فائر ٹینڈروں اور سات انجنوں کی مدد سے آگ پر قابو پانے کی کوششیں کی جارہی ہیں۔عہدیدار نے بتایا کہ آگ کی اس واردات میں چار رہائشی مکانوں کو نقصان پہنچا ۔
یہ رپورٹ فائل کرنے تک علاقے میں آگ بجھانے کی کارروائی جاری تھی۔