راجستھان اسمبلی انتخابات کے نتائج پر کانگریس کی جائزہ میٹنگ

نئی دہلی// کانگریس کے سینئر لیڈروں نے راجستھان اسمبلی انتخابات میں پارٹی کے نتائج کا جائزہ لینے کے لئے ہفتہ کو ایک میٹنگ کی۔
کانگریس صدر ملکارجن کھڑگے نے نئی دہلی کے آل انڈیا کانگریس کمیٹی کے ہیڈکوارٹر میں ایک جائزہ میٹنگ بلائی، جس میں راہل گاندھی، اشوک گہلوت اور سچن پائلٹ سمیت کئی سینئر لیڈروں نے شرکت کی۔
میٹنگ کے بعد راجستھان کانگریس کے انچارج سکھجندر سنگھ رندھاوا نے صحافیوں کو بتایا کہ آج کانگریس کے سینئر لیڈروں نے راجستھان اسمبلی انتخابات کے نتائج پر گہرائی سے بات چیت کی۔
انہوں نے کہا، ‘‘ہم اپنی خامیوں کی نشاندہی کریں گے ، انہیں بہتر بنائیں گے اور آئندہ لوک سبھا انتخابات متحد ہوکر لڑیں گے ۔’’
کارکنوں کی تعریف کرتے ہوئے ، انہوں نے کہا، "کانگریس کارکنوں نے انتخابات میں سخت محنت کی تھی۔ سینئر لیڈروں کا ماننا ہے کہ اب ہمیں متحد ہو کر آئندہ لوک سبھا انتخابات کی تیاری شروع کرنی چاہئے ۔