بے روزگاری کی شرح ۲ء۵ فیصد سے کم ہو کرچار فیصد رہ گئی

جموں//
جموںکشمیر کی موجودہ بے روزگاری کی شرح مالی سال۲۰۲۱۔۲۰۲۲میں ۲ء۵ فیصد سے کم ہو کر تقریباًچار فیصد رہ گئی ہے۔
ڈائریکٹر (روزگار) نثار احمد نے یہ بات یہاں جموں و کشمیر میں روزگار کے منظر نامے کا جائزہ لینے کے لیے ایک میٹنگ کے دوران کہی۔
احمد کاکہنا تھا’’وزارت شماریات اور پروگرام کے نفاذ کے حالیہ سروے میں، مرکز کے زیر انتظام علاقے میں بے روزگاری کی شرح میں کمی آئی ہے اور پہلے کے۲ء۵ فیصد (۲۰۲۱۔۲۰۲۲) سے کم ہو کر تقریباً ۴ فیصد رہ گئی ہے‘‘۔
ڈائریکٹر نے کہا کہ محکمہ روزگار ‘روزگار پیدا کرنے کی اسکیموں پر عمل درآمد کرنے والے تمام افراد کو سہولت فراہم کرنے جا رہا ہے تاکہ بے روزگاری کی شرح کو صرف ۳فیصد تک لایا جا سکے جو کہ ملک میں قومی اوسط کے برابر ہے۔
اس موقع پر خطاب کرتے ہوئے سکریٹری (محنت و روزگار) ریحانہ بتول نے تمام اسٹیک ہولڈرز پر زور دیا کہ وہ یو ٹی میں بے روزگاری کی شرح کو مزید کم کرنے کے لیے کام کریں اور کہا کہ ایک درجن سے زائد محکمے روزگار کے مواقع پیدا کرنے کے لیے کام کر رہے ہیں اور بہت سے محکموں کو نافذ کرنے جا رہے ہیں۔