اپنے بخاری صاحب… الطاف بخاری صاحب کچھ نہ کچھ تو بولتے ہی رہتے ہیں… منہ کھولتے ہی رہتے ہیں … ان جناب کاکہنا ہے کہ کرگل اور کشمیر میں بی جے پی کا کوئی وجود نہیں ہے اور… اور بالکل بھی نہیں … ایسا کہہ کر بخاری صاحب ‘ بی جے پی کو ناراض نہیں کرنا چاہتے ہیں… ا ن کا ایسا ویسا کوئی ارادہ بھی نہیں ہے… اور ہو بھی نہیں سکتا ہے کہ… کہ بی جے پی کو کوئی ناراض کرے… ایسا کوئی ابن آدم ابھی کشمیر میں پیدا نہیں ہوا ہے… بالکل بھی نہیں ہوا ہے۔ بخاری صاحب کے کہنے کا یہ مطلب ہے کہ کرگل میں نیشنل کانفرنس اور کانگریس کے اتحاد نے اس لئے پہاڑی ترقیاتی کونسل کے انتخابات میں جیت درج کی کیونکہ … کیونکہ وہاں… کرگل میں بی جے پی کا کوئی وجود ہی نہیں ہے… بالکل بھی نہیں ہے۔ دوسرے الفاظ میں بخاری صاحب این سی اور کانگریس سے کہہ رہے ہیں…انہیں سمجھا رہے ہیں کہ … کہ جناب زیادہ اچھلیں اور کودئے مت کہ …کہ جس ریس … جس دوڑ میں تم پہلے نمبر پر آئے ہو… اس دوڑ میں دوسرا کوئی شریک ہی نہیں تھا… تمہارے بغیر کوئی اور دوڑ ہی نہیں رہا تھا ۔بے چارہ گورے گورے بانکے چھورے! اب بھی کرگل کی جیت کا جشن منا رہے ہیں ‘خوشی منا رہے ہیں۔خیریہ تو رہی کرگل کی بات… کہ… کہ بخاری صاحب نے کرگل کے ساتھ ساتھ کشمیر کی بھی بات کی … بڑی بات کی … یہ بات کی کہ کشمیر میں بھی بی جے پی کا کوئی وجود ہی نہیں ہے اور… اور ہمیں یقین ہے کہ ان کی اس بات سے اپنے گورے گورے بانکے چھورے بھی اتفاق کریں گے اور… ور اس لئے کریں گے کہ عمر عبداللہ کا‘ این سی کا جاننا اور ماننا ہے کہ بھلے ہی کشمیر میں بی جے پی کا اپنا کوئی وجود نہیں ہو… یہ زمین پر کہیں موجود نہیں ہو… لیکن… لیکن اس نے یہاں… بی جے پی نے یہاں ‘ اپنے کشمیر میں ایک نہیں بلکہ انیک بی ٹیمیں پال رکھی ہیں… اوراین سی کی سنی جائے تو‘ کانگریس کی سنی جائے‘ پی ڈی پی کی سنی جائے تو… تو بی جے پی کی ان بی ٹیموں میں سے اپنے بخاری صاحب… الطاف بخاری صاحب کی’اپنی پارٹی‘ بھی ہے… جو ان سیاسی جماعتوں کے مطابق بی جے پی کی… اپنی پارٹی ہے اور… اور سو فیصد ہے ۔ ہے نا؟