حیدر آباد//
انٹرنیشنل کرکٹ کونسل (آئی سی سی) ورلڈکپ 2023 میں پاکستان کے خلاف کھیلتے ہوئے نیدرلینڈز کے فاسٹ بولر بیس ڈی لیڈ نے 20 سال بعد اپنے والد کی تاریخ دہرا دی۔
23 سالہ بیس ڈی لیڈ کے والد نے 2003 میں بھارت کے خلاف عمدہ بولنگ کرتے ہوئے 35 رنز دے کر 4 وکٹیں حاصل کی تھیں، انہوں نے سچن ٹنڈولکر اور راہول ڈیوڈ کے ساتھ ہربھجن سنگھ اور ظہیر خان کو آؤٹ کیا تھا، تاہم یہ میچ بھارت 68 رنز سے جیت گیا تھا۔
بھارت کے شہر حیدر آباد میں آج پاکستان کے خلاف بہترین بولنگ کرتے ہوئے بیس ڈی لیڈ نے 62 رنز دے کر 4 کھلاڑیوں کو آؤٹ کرکے تاریخ دہرا دی ہے۔
ورلڈ کپ کے دوسرے اور اپنے پہلے میچ میں پاکستان کرکٹ ٹیم نے نیدرلینڈ کو 287 رنز کا ہدف دیا۔