کانگریس صدر کھڑگے اور راہل نے گاندھی اور شاستری کے یوم پیدائش پر انہیں خراج عقیدت پیش کیا

نئی دہلی// کانگریس صدر ملک ارجن کھڑگے اور سابق صدر راہل گاندھی نے پیر کے روز بابائے قوم مہاتما گاندھی اور سابق وزیر اعظم لال بہادر شاستری کے یوم پیدائش پر انہیں خراج عقیدت پیش کیا۔
قبل ازیں مسٹر کھڑگے نے بابائے قوم کی سمادھی راج گھاٹ اور مسٹر شاستری کی سمادھی وجے گھاٹ کا دورہ کیا اور انہیں خراج عقیدت پیش کیا۔
بابائے قوم کو خراج عقیدت پیش کرتے ہوئے انہوں نے کہا، ”مہاتما گاندھی جی صرف ایک شخص نہیں، بلکہ ایک خیال، ایک نظریہ اور ہمارے عظیم ملک کے اخلاقی نشان ہیں۔ سچائی، عدم تشدد، آزادی، مساوات اور بقائے باہمی کے ان کے نظریات ابدی اقدار ہیں۔ ہم بابائے قوم کے یوم پیدائش پر ان کے نظریات کے تئین خراج عقیدت پیش کرتے ہیں۔”
مسٹر راہل گاندھی نے کہا، ”مہاتما گاندھی نے ہی ہندوستان کو سچائی، عدم تشدد اور ہم آہنگی کا راستہ، ملک کو متحد کرنے کا راستہ دکھایا تھا۔ باپو کو ان کے یوم پیدائش پر لاکھوں سلام”۔
سابق وزیر اعظم لال بہادر شاستری کو بھی خراج عقیدت پیش کیا۔ مسٹر کھڑگے نے ترقی کے لیے اتحاد کے پیغام کا حوالہ دیتے ہوئے کہا، ”ملک کی ترقی کے لیے ہمیں آپس میں لڑنے کے بجائے غربت، بیماری اور جہالت سے لڑنا ہو گا- شاستری جی زمینی اصلاحات سے لے کر دودھ اور سبز انقلاب کی بنیاد رکھنے تک، ریلوے میں تھرڈ کلاس کو ختم کرنے سے لے کر بسوں میں خواتین کے لیے سیٹیں فراہم کرنے تک، 1965 کی جنگ سے لے کر ہمارے گاندھیائی نظریات کے ساتھ ملک کی خدمت کرنے تک، ہمارے آئیڈیل ہیں، ہم ان کی بے مثال شراکت کو یاد کرتے ہیں۔ سابق وزیر اعظم لال بہادر شاستری اپنے اعلیٰ خیالات، زندگی کی سادگی ہمارے لیے ہمیشہ متاثر کن رہے گی۔ ‘جئے جوان جئے کسان’۔
مسٹر گاندھی نے کہا، "بھارت کے سابق وزیر اعظم لال بہادر شاستری جی کو یوم پیدائش پر خراج عقیدت۔ ‘جئے جوان، جئے کسان’ کے نعرے کے ساتھ، انہوں نے ملک کے دو بڑے سنیاسی طبقات کو بااختیار بنانے کا کام کیا۔