لیونل میسی پیزا کے انتخاب پر مذاق کا نشانہ بن گئے

لندن //
عالمی شہرت یافتہ فٹبالر لیونل میسی کو پیزا کے انتخاب پر مذاق کا نشانہ بنا دیا گیا۔
غیرملکی میڈیا کے مطابق حال ہی میں لیونل میسی کی جانب سے پیزا کے انتخاب کو بدترین قرار دیا گیا اور سوشل میڈیا پر ان کی پسند کا مذاق بھی اڑایا گیا۔
لیونل میسی نے حال ہی میں جیسے ہی اپنے کھانے کی تصویر مداحوں کے ساتھ شیئر کی تو یہ تیزی سے انٹرنیٹ ٹرولنگ کا نشانہ بن گئی۔
غیرملکی میڈیا کے مطابق اسٹار فٹبالر نے میامی سے پیزا کی تصویر شیئر کی جسے دیکھ کر ان کے مداح کافی حیران اور پریشان نظر آئے۔
برطانوی اخبار کے مطابق لیونل میسی کی جانب سے جو پیزا منتخب کیا گیا تھا اس پر حد سے زیادہ ٹماٹر کے ٹکڑے، زیتون اور پیاز موجود تھی۔
غیرملکی میڈیا کے مطابق اس تصویر کو دیکھنے کے بعد لیونل میسی کے مداحوں نے بدترین پیزا قرار دیا۔
ایک صارف نے سوشل میڈیا پر لکھا کہ میں اسے پیزا نہیں کہہ سکتا، یہ جرم ہے جبکہ ایک مزید شخص نے لکھا کہ یہ کون کھاتا ہے۔
ایک شخص کی جانب سے پیزا کو خلائی مخلوق کا کھانا قرار دیا گیا۔