نئی دہلی//روڈ ٹرانسپورٹ اور ہائی ویز کے وزیر نتن گڈکری نے مال برداری کی لاگت کو کم کرکے معیشت کو فروغ دینے اور روزگار کے مواقع پیدا کرنے کی ضرورت پر زور دیتے ہوئے کہا ہے کہ اس کے لیے انوویشن کو فروغ دینے کی سخت ضرورت ہے ۔
پیر کو یہاں روڈ ٹرانسپورٹ اور ہائی ویز کی وزارت، نیشنل ہائی وے اتھارٹی آف انڈیا اور نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ کے علاقائی افسران کی ایک جائزہ میٹنگ کی صدارت کرتے ہوئے مسٹر گڈکری نے کہا کہ ملک کی معیشت کو تیز کرنے کی ضرورت ہے ، لاجسٹکس کے اخراجات، روزگار پیدا کرنا، نقل و حرکت کو فروغ دینے اور عوامی نقل و حرکت کی خدمات کو نئی بلندیوں تک لے جانے کے لیے انوویشن کی ضرورت ہے اور اسی کو ذہن میں رکھتے ہوئے اس جائزہ اجلاس کا انعقاد کیا گیا ہے ۔
بلڈ-آپریٹ-ٹرانسفر-بی او ٹی ماڈل کی صلاحیت کی وضاحت کرتے ہوئے انہوں نے کہا کہ یہ ماڈل مالیاتی پیداواری صلاحیت کو زیادہ سے زیادہ کرنے کی صلاحیت رکھتا ہے اور محکمے کو مزید منصوبے شروع کرنے کے قابل بنا سکتا ہے ۔ انہوں نے معیار کی باقاعدہ نگرانی اور جاری منصوبوں کی تکمیل میں تیزی لانے کی اہمیت پر بھی زور دیا۔
مسٹر گڈکری نے کہا کہ ‘آتم نربھر بھارت’ کے لیے ْ5 ٹریلین ڈالر کی معیشت کے ہدف کے لیے ایک اہم پہلو کی ضرورت ہے – لاجسٹکس کے اخراجات میں کمی اس مقصد کے حصول کے لیے بہترین ایکسپریس ہائی ویز کی تعمیر اولین ترجیح بن گئی ہے ۔ انہوں نے تمام اسٹیک ہولڈرز کے درمیان تعاون، ہم آہنگی اور رابطے پر زور دیا اور کہا کہ بہترین نتائج کے لیے فنانشل آڈٹ کے ساتھ کارکردگی کا آڈٹ بھی ضروری ہے ۔
