نیرج چوپڑا کے لیے سوئٹزرلینڈ میں تیاری کیمپ کو منظوری

نئی دہلی//مرکزی حکومت کے مشن اولمپک سیل نے عالمی ایتھلیٹکس چمپئن جیولن پھینکنے والے نیرج چوپڑا کو سوئٹزرلینڈ کے میگلنگن میں 12 روزہ تربیتی کیمپ کے لیے منظوری دے دی ہے۔
سرکاری اطلاعات کے مطابق یکم سے 12 ستمبر کے درمیان منعقد ہونے والے تیاری کیمپ کے لیے کل 5.89 لاکھ روپے کی منظوری دی گئی ہے۔ نیرج جمعرات کو زیورخ میں ڈائمنڈ لیگ ایونٹ میں 85.71 میٹر کی بہترین تھرو ریکارڈ کرکے دوسرے نمبر پر رہے۔
پارول چودھری، جنہوں نے بڈاپیسٹ میں خواتین کے 3000 میٹر اسٹیپل چیس ایونٹ میں 9:15.31 سیکنڈ کے قومی ریکارڈ ٹائمنگ کے ساتھ پیرس اولمپکس کوٹہ حاصل کیا، کو بھی ٹاپس کور گروپ میں شامل کیا گیا ہے۔
مشن اولمپک سیل نے پیرس 2024 اولمپکس کے مختلف مقابلوں میں حصہ لینے، سامان کی خریداری اور ذاتی کوچ کرس فیفر کی خدمات حاصل کرنے کے لیے ٹیبل ٹینس اسٹار شرتھ کمل کو مالی منظوری دی۔ اسٹار بیڈمنٹن ڈبلز کھلاڑی ساتوک رینکی ریڈی اور چراغ شیٹی کو بھی 5 سے 10 ستمبر تک ہونے والے چائنا اوپن 2023 میں ان کے ساتھ جانے کے لئے ملشیار نشانت ناگپوری کی جانب سے مدد فراہم کی گئی ہے۔