’لوگوں کا خوشی سے یوم آزاد منانا بدلتے ہواؤں کی تصویر‘

سرینگر//
جموںکشمیر اپنی پارٹی کے صدر‘ سید محمد الطاف بخاری کا کہنا ہے کہ جموںکشمیر میں لوگوں کا خوشی سے یوم آزادی منانا بدلتے ہوائوں کی تصویر ہے ۔
بخاری نے کہا کہ یہاں حالات بدل گئے ہیں اورخوشی کا ماحول ہے ۔
اپنی پارٹی کے صدر اپنی پارٹی نے ان باتوں کا اظہار منگل کو یہاں پارٹی ہیڈ کوارٹر پر ترنگا لہرانے کے بعد میڈیا کے ساتھ بات کرنے کے دوران کیا۔
بخاری نے کہا’’جموں کشمیر میں بھی لوگ یوم آزادی خوشی سے منا رہے ہیں جو بدلتے ہوائوں کی تصویر ہے ‘‘۔ان کا کہنا تھا کہ یہاں حالات بدل گئے ہیں اور خوشی کا ماحول ہے ۔
اپنی پارٹی کے صدر نے کہا کہ جس طرح پورے ملک میں یوم آزادی منایا جا رہا ہے اسی طرح یہاں بھی لوگ یوم آزادی منارہے ہیں۔
بخاری نے کہا کہ جموں و کشمیر بدل گیا ہے۔ اور جس طرح سے سرکار نے بندشیں اٹھائی ہے، یہ بھی ایک خوش آئند بات ہے۔ اْن کا مزید کہنا تھا ’’آج کے دن مجھے لگتا ہے کہ انتخابات کیلئے ہر سیاسی جماعت ہمیشہ تیار ہوتی ہے، انٹرنیٹ بند ہے یا کھلا، یہ تو سیاسی فیصلے ہوتے ہیں۔ پہلے بھی وہ اگر کھلا رکھتے تب بھی کوئی طوفان نہیں آنے والا تھا۔ آج کھلا رکھا ہے اس کیلئے انتظامیہ کو مبارکباد ہے۔‘‘