پٹن میں مشتبہ آئی ای ڈی کو ناکارہ بنایا گیا:پولیس

سرینگر//
سر ینگر بارہمولہ شاہراہ پر زنگام پٹن فلائی آور پر ایک مشتبہ آئی ای ڈی ناکارہ بنائی گئی جس کے بعد شاہراہ پر ٹریفک کی نقل وحمل کو بحال کردیا گیا۔
ذرائع نے بتایا کہ پیر کی صبح زنگام پٹن میں فلائی آور پر ایک مشتبہ شئے کی موجودگی کی اطلاع ملنے کے بعد ۲۹آرآر‘ سی آ ر پی ایف اور پولیس نے سرینگر جموں شاہراہ پر ٹریفک کی نقل وحمل روک کر بم ڈسپوزل اسکارڈ کو جائے وقوع پر طلب کیا۔
معلوم ہوا ہے کہ بم ڈسپوزل اسکارڈ نے بعد ازاں مشتبہ بارودی مواد کو ناکارہ بناکر ایک بہت بڑے حادثے کو رونما ہونے سے پہلے ہی ٹال دیا ۔
پولیس نے اس سلسلے میں کیس درج کرکے مزید تحقیقات شروع کی۔