مٹی کا تودا گر آنے کے بعد مغل روڈ پر ٹریفک بند

جموں//
جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ پر مٹی کا تودا گر آنے کی وجہ سے ٹریفک کی نقل و حمل روک دی گئی ہے ۔
سرکاری ذرائع نے بتایا کہ مغل روڈ پرہفتے کی صبح پوشانہ کے مقام پر بھاری بھر کم مٹی کا تودا گر آیا جس کی وجہ سے ٹریفک کی نقل و حمل روک دی گئی۔
ذرائع نے بتایا کہ روڈ کو کھولنے کیلئے افرادی قوت اور مشینری کو کام پر لگا دیا گیا ہے تاہم ٹریفک کو بحال کرنے میں کافی وقت لگ سکتا ہے ۔