مغربی بنگال کے گورنر نے امت شاہ سے ملاقات کی

نئی دہلی// مغربی بنگال میں پنچایتی انتخابات میں بڑے پیمانے پر تشدد کی خبروں کے درمیان گورنر سی وی آنند نے مرکزی وزیر داخلہ امت شاہ سے ملاقات کی۔
مسٹر بوس پیر کی شام مسٹر شاہ سے ملاقات کے لئے وزارت داخلہ پہنچے ۔
ذرائع کے مطابق مسٹر بوس نے مسٹر شاہ کو مغربی بنگال میں پنچایت انتخابات کے دوران تشدد کے واقعات کے بارے میں اپنی رپورٹ سے آگاہ کیا۔ مسٹر بوس نے خود الیکشن کے دوران کئی پولنگ بوتھوں کا دورہ کرکے صورتحال کا جائزہ لیا۔
ملاقات کے بعد میڈیا سے مختصر گفتگو میں انہوں نے صرف اتنا کہا کہ آنے والے دنوں میں سب کچھ ٹھیک ہو جائے گا۔ انہوں نے کہا کہ صبح اندھیرے کے بعد ہی ہوتی ہے ۔
قابل ذکر ہے کہ مغربی بنگال میں پنچایتی انتخابات کے دوران بڑے پیمانے پر تشدد ہوا جس میں 15 سے زیادہ لوگوں کی جانیں گئیں۔
مغربی بنگال میں تین سطحی پنچایتی انتخابات کے لیے ہفتہ کو ووٹنگ ہوئی۔ کئی پولنگ اسٹیشنوں پر بے ضابطگیوں کی اطلاعات کے بعد وہاں دوبارہ پولنگ ہوئی۔