راج ناتھ نے این سی سی کے لیے انٹیگریٹڈ سافٹ ویئر کا آغاز کیا

نئی دہلی// وزیر دفاع راج ناتھ سنگھ نے ڈیجیٹل انڈیا مشن کے مطابق ڈیجیٹلائزیشن کو فروغ دینے کی سمت میں ایک اہم قدم اٹھاتے ہوئے جمعہ کو یہاں نیشنل کیڈٹ کور انٹیگریٹڈ سافٹ ویئر کا آغاز کیا۔
بھاسکراچاریہ انسٹی ٹیوٹ فار اسپیس ایپلی کیشنز اینڈ جیو انفارمیٹکس کے ساتھ شراکت میں تیار کیا گیا، یہ سافٹ ویئر ‘انٹری ٹو ایگزٹ ماڈل’ پر ڈیزائن کیا گیاسنگل ونڈو انٹرایکٹو سافٹ ویئر ہے ۔
یہ سافٹ ویئر وزیر اعظم نریندر مودی کے ‘ایک بار کیڈٹ، لائف ٹائم کیڈٹ’ کے وژن پر مبنی ہے اوراس سے این سی سی میں کیڈٹ کے طور پر اندراج کے مرحلے سے لے کر سابق طالب علم کے طور پر ایگزٹ رجسٹریشن تک پورا عمل ڈیجیٹل بن جائے گا۔ اس سے سرٹیفکیٹس کے بغیر کسی رکاوٹ کے اجراء اور ملازمت کے وقت این سی سی کیڈیٹس کا ایک آل انڈیا ڈیٹا بیس بنانے میں مدد ملے گی۔
این سی سی اور اسٹیٹ بینک آف انڈیا نے ایس بی آئی کی ‘پہلی اڑان’ اسکیم کے تحت ڈیبٹ کارڈ، چیک بک اور پاس بک کی سہولت کے ساتھ تمام این سی سی کیڈیٹس کے زیرو بیلنس اکاؤنٹس کھولنے کے لیے وزیردفاع کی موجودگی میں ایک مفاہمت نامے پر دستخط کیے ۔ اس سے ہر سال تقریباً 5 لاکھ کیڈٹس کو فائدہ ہوگا۔
یہ اکاؤنٹ تربیت کی تکمیل یا 18 سال کی عمر تک، جو بھی بعد میں ہو، تک جاری رہے گا۔ یہ نہ صرف کیڈٹس کو قومی بینکنگ سسٹم سے متعارف کرائے گا بلکہ انہیں اپنے کھاتوں میں رقوم کی براہ راست فائدہ کی منتقلی کے ذریعے دیگر سرکاری اسکیموں کے فوائد حاصل کرنے کے لیے ایک تیار پلیٹ فارم بھی فراہم کرے گا۔
وزارت دفاع نے یونیفارم کی تقسیم کے عمل کو مزید شفاف اور ہموار بنانے کے لیے اس میں بہتری کی ہے ، جس سے این سی سی کیڈٹس کے بینک کھاتوں میں یونیفارم الاؤنس کی براہ راست بینک منتقلی ممکن ہے ۔
ڈیفنس سکریٹری گریدھر ارمانے ، ڈائریکٹر جنرل این سی سی لیفٹیننٹ جنرل گربیر پال سنگھ اور وزارت کے سینئر افسران بھی اس موقع پر موجود تھے ۔