نئی دہلی//مرکزی تفتیشی بیورو (سی بی آئی) نے 400,000 امریکی ڈالر کی تکنیکی دھوکہ دہی کے الزام میں پانچ افراد اور نامعلوم دیگر کے خلاف مقدمہ درج کیا ہے ۔مرکزی ایجنسی نے جمعہ کو یہ اطلاع دی۔
سی بی آئی نے کہا کہ جب متاثرہ اپنے لیپ ٹاپ پر کام کر رہی تھی تو اسے ہیک کرلیا گیا اور اپنے لیپ ٹاپ اسکرین پر دکھائے گئے نمبر پر رابطہ کیا تو ہیکر نے خود کو ایک ملٹی نیشنل سافٹ ویئر کمپنی کا ملازم ظاہر کیا اور اسے گمراہ کیا کہ اس کے ریٹائرمنٹ اکاؤنٹ سے کچھ وائر منتقل ہوئے ہیں اور اسے فڈلیٹی انویسٹمنٹس سے رابطہ کرنے کا مشورہ دیا۔ اس پرمتاثرہ نے دیے گئے نمبر پر کال کیا تو ہیکر نے اس کا لیپ ٹاپ اپنے کنٹرول میں لے لیا اور دھوکہ دہی سے متاثرہ کی جانب سے ایک اوک کائن اکاؤنٹ کھولا اور گزشتہ سال جون کے دوران اس اکاؤنٹ میں 400,000 امریکی ڈالر کی رقم منتقل کردی۔
سی بی آئی نے کہا کہ ہیکر نے رقم کو کرپٹو کرنسی میں تبدیل کرنے کے بعد مبینہ طور پر رقم کو ملزم افراد کے کرپٹو اکاؤنٹس میں منتقل کردیا۔
ملزمان کے نئی دہلی اور کانپور میں رہائشی اور سرکاری احاطے میں تلاشی لی گئی۔ تلاشی کے دوران لیپ ٹاپ، موبائل فون اور ہارڈ ڈسک کی شکل میں مجرمانہ مواد برآمد ہوا۔