پی سی بی کے سابق چیئرمین رمیز راجہ دوبارہ کمنٹیٹر بن گئے

لاہور// پاکستان کرکٹ بورڈ (پی سی بی) کے سابق چیئرمین رمیز راجہ دوبارہ کمنٹیٹر بن گئے۔
پی سی بی کے سابق چیئرمین رمیز راجہ نے سماجی رابطے کی ویب سائٹ ٹوئٹر پر کامینٹری میں واپسی کا اعلان کر دیا۔
رمیز راجہ نے ٹوئٹ میں لکھا ’ کیمرہ، ساوئنڈ اور ایکشن، پاکستان اور سری لنکا کی سیریز کے لیے کامینٹری بوکس میں واپس آ گیا ہوں۔
واضح رہے کہ چیئر مین پی سی بی کا عہدہ سنبھالنے کے بعد رمیز راجہ نے کامینٹری چھوڑ دی تھی۔
پاکستان اور سری لنکا کے درمیان دو ٹیسٹ میچز کی سیریز گال اور کولمبو میں کھیلی جائے گی جبکہ ٹیم دو روزہ وارم اپ میچ بھی کھیلے گی۔
پہلا ٹیسٹ گال انٹرنیشنل اسٹیڈیم میں 16 سے 20 جولائی تک کھیلا جائے گا۔ پاکستانی کرکٹ ٹیم 9 جولائی کو کولمبو پہنچے گی، ٹیسٹ سیریز سے قبل پاکستانی ٹیم 11اور 12 جولائی کو دو روزہ وارم اپ میچ بھی کھیلے گی۔