چہرے کی تصدیق کی خصوصیت کے ساتھ پی ایم کسان موبائل ایپ لانچ

نئی دہلی//مرکزی وزیر زراعت نریندر سنگھ تومر نے کسانوں کی آمدنی میں مدد کے لیے مرکزی حکومت کی مہتواکانکشی اور مقبول "پردھان منتری کسان سمان ندھی” اسکیم کے تحت چہرے کی تصدیق کی خصوصیت کے ساتھ پی ایم-کسان موبائل ایپ لانچ کی۔
اس ایپ سے چہرے کی تصدیق کی خصوصیت کا استعمال کرتے ہوئے جدید ٹکنالوجی کی بہترین مثال کسان دور دراز سے ای کے وائی سی مکمل کر سکتے ہیں، او ٹی پی یا فنگر پرنٹ کے بغیر چہرے کو آسانی سے اسکین کر کے گھر بیٹھے اور 100 دیگر کسان بھی اپنے گھر پر ای کے وائی سی کر سکتے ہیں۔ ای-کے وائی سی کو لازمی بنانے کی ضرورت کو سمجھاتے ہوئے حکومت نے ریاستی حکومتوں کے افسران کی کسانوں کی ای-کے وائی سی کرنے کی اہلیت کو بھی بڑھا دیا ہے ، تاکہ ہر افسر 500 کسانوں کے لیے ای-کے وائی سی کا عمل مکمل کر سکے ۔
دارالحکومت کے کرشی بھون میں منعقدہ اس تقریب سے پورے ملک کے کرشی وگیان کیندروں میں موجود ہزاروں کسانوں کے ساتھ ساتھ مرکزی اور ریاستی حکومتوں کے افسران اور مختلف سرکاری ایجنسیوں اور زرعی تنظیموں کے نمائندے ورچولی طور پر جڑے تھے ۔
پروگرام میں وزیر مملکت برائے زراعت کیلاش چودھری نے کہا کہ زراعت کا شعبہ ٹیکنالوجی سے فائدہ اٹھا رہا ہے اور اس ایپ کی نئی سہولت کسانوں کو بھی کافی سہولت فراہم کرے گی۔ مرکزی سکریٹری برائے زراعت منوج آہوجا نے بھی اپنے خیالات رکھے ۔ ایڈیشنل سکریٹری پرمود کمار مہراڈا نے ایپ کی خصوصیات کی وضاحت کی۔ پروگرام کی نظامت محکمہ کے مشیر منوج کمار گپتا نے کی۔
اس موقع پر کچھ ریاستی حکومتوں کے عہدیداروں نے اس اسکیم اور ایپ کے فوائد سے متعلق اپنے تجربات بھی شیئر کئے ۔ نوجوانوں کے ذریعہ بھی ایپ سے زیادہ سے زیادہ کسانوں کو جوڑنے کی کوشش کی جائے گی اور مقررہ معیار کی بنیاد پر اس میں مدد کرنے والے نوجوانوں کو زراعت اور کسانوں کی بہبود کی وزارت کی طرف سے سرٹیفکیٹ دیے جائیں گے ۔