کینیا میں فاقہ کشی سے مرنے والوں کی تعداد 300 سے متجاوز

نیروبی///
کینیا کے فاقہ کشی سے مرنے والوں کی تعداد اس وقت 300 سے تجاوز کر گئی ہے جب حکام نے جنگل سے مزید لاشیں برآمد کیں۔
عالمی میڈیا رپورٹس کے مطابق کینیا کی تاریخ میں فرقے سے جُڑے سانحات میں یہ اب تک بدترین سانحہ ہے جس میں بدترین سانحات میں سے ایک ہے گڈ نیوز انٹرنیشنل چرچ کے پادری پال میکنزی نے بھوک سے مرنے پر پیروکاروں کو جنت کا لالچ دیا۔
پال مکینزی نے اپنے پیروکاروں کو خود اور اپنے بچوں کو بھوکا مرنے کا حکم دیا تھا تاکہ وہ دنیا کے خاتمے سے پہلے جنت میں جا سکیں۔ ملک کے جنوب مشرق میں شکاہولا جنگل میں اجتماعی قبروں سے اولاً 19 لاشیں نکالے جانے کے بعد اب کل تعداد 303 ہوگئی ہے جبکہ 600 سے زائد افراد اب بھی لاپتہ ہیں۔
سیکورٹی حکام نے مزید لاشوں کی خدشے کے تحت تلاشی کیلئے وسیع پیمانے پر علاقے کا احاطہ کرلیا ہے۔