ملیشیا ماسٹرز: سری کانت، سندھو اور پرنے دوسرے راؤنڈ میں داخل

کوالالمپور// کدامبی سری کانت ، ایچ ایس پرنے اور پی وی سندھو نے بدھ کو ملیشیا ماسٹرز میں اپنی مہم کی شاندارشروعات کرتے ہوئے ٹورنامنٹ کے دوسرے مرحلے میں قدم رکھا۔
سری کانت نے فرانس کے ٹوما جونیئر پوپوف کو 37 منٹ تک جاری رہنے والے پہلے مرحلے کے میچ میں آسانی سے 21-12، 21-16 سے شکست دی۔ سندھو کوپہلا گیم آرام سے جیتنے کے بعد تھوڑی جدوجہد کرنی پڑی لیکن وہ ڈنمارک کی لین کرسٹوفرسن کو 21-13، 17-21، 21-18 سے شکست دینے میں کامیاب رہیں۔
پرنے نے چینی تائپے کے چو ٹیئن چن سے پہلا گیم ہارنے کے بعد شاندار واپسی کرتے ہوئے میچ 16-21، 21-14، 21-13 سے مقابلہ جیت لیا۔
اگلے مرحلے میں سری کانت کا مقابلہ اس سال کے انڈیا اوپن کے فاتح تھائی لینڈ کے کنلاوت وٹیڈسرن سے ہوگا۔ سری کانت اور کُنلاوت اس سے قبل تین بار مقابلہ کرچکے ہیں اور تھائی لینڈ کے کھلاڑی نے تینوں بار جیت حاصل کی ہے۔
سندھو کا مقابلہ ٹاپ 16 میں جاپان کی آیا اوہوری سے ہوگا۔ اوہاری کے خلاف سندھو کا یہ 13 واں مقابلہ ہوگا۔ سندھو کا جاپانی شٹلر کے خلاف 100 فیصد جیت کا ریکارڈ ہے۔پرنے کا سامنا جمعرات کو چین کے لی شی فنگ سے ہوگا۔
دریں اثنا، اشمیتا چلیہا، جنہوں نے منگل کو اہم ڈرا میں کوالیفائی کیا تھا اور نوجوان کھلاڑی آکرشی کشیپ پہلے مرحلے میں ہارنے کے بعد ٹورنامنٹ سے باہر ہو گئیں۔ اشمیتا کو عالمی نمبر 10 چین کی ہان یو نے 21-17، 21-17 سے شکست دی۔ آکرشی اپنا میچ موجودہ عالمی چیمپئن اکانے یاماگوچی سے 21-17، 21-17 سے ہار گئیں۔
دن کے دیگر میچوں میں، مالویکا بنسوڈ، ایچ ایس پرنے اور لکشیا سین اپنے اپنے پہلے مرحلے کے میچوں کے لیے کورٹ میں اتریں گے۔