نئی دہلی/ کینبر//آسٹریلیا کے وزیر اعظم انتھونی البنیز نے پیر کو کہا کہ آسٹریلیا کے سرکاری دورے پر وزیر اعظم نریندر مودی کی میزبانی کرنا ان کے لیے اعزاز کی بات ہے ۔
آسٹریلیائی حکومت نے ایک بیان جاری کیا جس میں کہا گیا ہے کہ مسٹر مودی کا دورہ آسٹریلیا مارچ میں نئی [؟][؟]دہلی میں منعقدہ آسٹریلیا-انڈیا سالانہ لیڈرز سمٹ اور ہفتے کے آخر میں ہیروشیما میں جی-7 سربراہی اجلاس اور کواڈ لیڈروں کی میٹنگ میں بات چیت پر مبنی ہے ۔ دوطرفہ ملاقات میں دونوں رہنما تجارت اور سرمایہ کاری پر تبادلہ خیال کریں گے جس میں جامع اقتصادی تعاون کے معاہدے کے ذریعے دونوں ممالک کے درمیان تجارت کو فروغ دینا اور عوام کے درمیان تعلقات، قابل تجدید توانائی اور دفاعی و سیکورٹی تعاون کو مضبوط بنانے کے لیے کام کریں گے ۔
مسٹر مودی آسٹریلیا کی ہندستان کے ساتھ بڑھتی ہوئی تجارت اور سرمایہ کاری کو آگے بڑھانے اور مارچ میں ممبئی میں منعقد ہونے والے آسٹریلیا-انڈیا سی ای او فورم سے حاصل ہونے والے مواقع کو آگے بڑھانے کے لیے آسٹریلیا کے کاروباری رہنماؤں سے بھی ملاقات کریں گے ۔اس دوراب دونوں ممالک کے وزیراعظم آسٹریلیا میں مقیم ہندستانیوں کا جشن منانے کے سڈنی میں ایک کمیونٹی پروگرام میں حصہ لیں گے جو ہماری کثیر الثقافتی برادری کا ایک اہم حصہ ہیں۔
مسٹر البنیز نے کہا کہ وہ نئی دہلی میں ستمبر میں ہونے والے جی 20 لیڈروں کے اجلاس میں شرکت کے لیے ہندوستان کا سفر کرنے کے لئے پرامید ہیں۔
انہوں نے مزید کہا، "اس سال کے شروع میں ہندوستان میں ملنے والے پرتپاک استقبال کے بعد مجھے آسٹریلیا کے سرکاری دورے پر وزیر اعظم مودی کی میزبانی کرنے پر اعزاز محسوس کررہا ہوں۔ آسٹریلیا اور ہندوستان ایک مستحکم، محفوظ اور خوشحال ہند-بحرالکاہل کے لیے پرعزم ہیں۔ اس وژن کی حمایت میں ہمیں ایک ساتھ مل کر اہم کردار ادا کرنا ہے ۔ میں سڈنی میں پی ایم مودی کے ساتھ آسٹریلیا کی متحرک ہندوستانی برادری کا جشن منانے کا منتظر ہوں۔”