نئی دہلی//) دنیا کے پہلے سرکاری ‘کرکٹ این ایف ٹی’ پلیٹ فارم نے بدھ کو انڈین پریمیئر لیگ (آئی پی ایل) کی سب سے مشہور فرنچائزی رائل چیلنجرز بنگلور (آر سی بی) کے ساتھ شراکت کا اعلان کیا۔
اس شراکت داری کے تحت کرکٹ سے محبت کرنے والے اپنے پسندیدہ آر سی بی کھلاڑیوں کے ڈیجیٹل کارڈز ریریو پر خرید سکیں گے ان کا تبادلہ کرسکیں گے۔ ریریو کے مطابق آر سی بی کے این ایف ٹی (نان فنجیبل ٹوکن) رکھنے والے افراد اپنے پسندیدہ کھلاڑیوں سے ملاقات اور اسٹیڈیم کا دورہ جیسے خصوصی تجربات حاصل کر سکیں گے۔
رائل چیلنجرز بنگلور کے پرنسپل اور نائب صدر راجیش مینن نے کہا، "ہمیں ریریو کے ساتھ شراکت کرنے پر خوشی ہے۔ ہماری شراکت شائقین کو ملکیت کا احساس اور ان کی پسندیدہ ٹیم آر سی بی کے ساتھ تعلق کی گہری سمجھ دے گی۔ یہ کھیلوں کی مصروفیت کے منظر نامے کا اگلا مرحلہ ہے۔ ہمیں ایک ترقی پسند فرنچائزی کے طور پر درست سمت میں قدم اٹھانے پر فخر ہے۔
ریریو کے بانی اور سی ای او انکیت وادھوا نے کہا، “میں آر سی بی کے ساتھ ان کے آفیشل ڈیجیٹل کلیکٹیبل پارٹنر کے طور پر ریریو کی شراکت کا اعلان کرتے ہوئے بہت خوش ہوں۔ اس ایسوسی ایشن کے ساتھ ہم محدود ایڈیشن کے فین بیجز متعارف کرانے کے لیے پرجوش ہیں جو آر سی بی کے شائقین کو ایک منفرد قسم کا تجربہ فراہم کرتے ہیں۔ اس بیج کے ذریعے شائقین ٹیم اور کھلاڑیوں تک خصوصی رسائی حاصل کر سکیں گے۔